తెలుగులో బాద్ షా డబ్బింగ్

on Mar 26, 2014

"చెన్నై ఎక్స్ ప్రెస్" తర్వాత బాలీవుడ్ బాద్ షా షారుఖ్ ఖాన్, హాట్ బ్యూటీ దీపికా పదుకొనే కలిసి నటిస్తున్న తాజా చిత్రం "హ్యాపీ న్యూ ఇయర్". ఫరాఖాన్ దర్శకత్వంలో తెరకెక్కుతున్న ఈ చిత్రంలో అభిషేక్ బచ్చన్, సోనుసూద్, బోమన్ ఇరానీ, వివాన్ షా లాంటి వారు నటిస్తుండటంతో భారీ అంచనాలు నెలకొన్నాయి. ఈ చిత్ర పంపిణీ హక్కులను సొంతం చేసుకున్న యశ్ రాజ్ ఫిల్మ్ ఇప్పటి నుంచే భారీ స్థాయిలో విడుదల చేసేందుకు ఏర్పాట్లు మొదలుపెట్టింది. తెలుగు,తమిళ, కన్నడ భాషల్లో డబ్బింగ్ చేసి విడుదల చేయాలని యశ్ రాజ్ ఫిల్మ్ భావిస్తోంది. దీపికా ఇందులో క్లబ్ డ్యాన్సర్ పాత్రలో కనిపించనుంది. ఈ చిత్రాన్ని దీపావళి కానుకగా విడుదల చేయనున్నారు.