మహేష్ సైనికుడిగా కనిపించేది ఎంతసేపు?
on Oct 14, 2019
'సరిలేరు నీకెవ్వరు'లో మహేష్ బాబు మిలటరీ ఆర్మీ ఆఫీసర్ రోల్ చేస్తున్నాడు. ఆర్మీ డ్రస్సులో సినిమాలో మహేష్ ఫస్ట్ లుక్ విడుదల చేశారు. ఇండియన్ ఆర్మీకి అంకితం ఇస్తూ ఒక పాట కూడా విడుదల చేశారు. అయితే... సినిమాలో ఆర్మీ ఎపిసోడ్ ఎంతసేపు ఉంటుందో తెలుసా? మహేష్ బాబు ఆర్మీ అధికారిగా, దేశ సరిహద్దుల్లో సైనికుడిగా కనిపించేది ఎంతసేపో తెలుసా? జస్ట్ 20 మినిట్స్ మాత్రమే. మిగతా కథ అంతా తెలుగు నేల మీద నడుస్తుంది. బోర్డర్ నుండి కథ కర్నూల్ కొండారెడ్డి బురుజుకు షిఫ్ట్ అవుతుంది. వయా ఒక పెద్ద ట్రైన్ ఎపిసోడ్. ఆ ఎపిసోడ్ అంతా చాలా హిలేరియస్ గా ఉంటుందని టాక్. సినిమా స్టార్టింగులో మిలిటరీ, ఆర్మీ ఎపిసోడ్ ఉండే అవకాశాలు ఎక్కువ ఉన్నాయని సమాచారం. విజయశాంతి ప్రధాన పాత్రలో, రష్మిక మందన్న కథానాయికగా నటిస్తున్న ఈ సినిమా సంక్రాంతి కానుకగా జనవరి 12న విడుదల కానుంది. ఈ సినిమాతో బండ్ల గణేష్ కమెడియన్ గా రీ ఎంట్రీ ఇస్తున్నారు.