పెరిగిన టికెట్‌ రేట్లతో పుష్పరాజ్‌ కొత్త రికార్డులు క్రియేట్‌ చెయ్యబోతున్నాడా?
on Nov 30, 2024
దేశవ్యాప్తంగానే కాదు, ప్రపంచ వ్యాప్తంగా ‘పుష్ప2’ రిలీజ్‌ కోసం మూవీ లవర్స్‌ ఎంతో ఆసక్తిగా ఎదురుచూస్తున్నారు. పుష్ప రిలీజ్‌ అయి రెండు సంవత్సరాలు దాటుతున్నా ఆ మేనియా ఇంకా ప్రేక్షకుల్లో అలాగే ఉంది. సీక్వెల్‌పై గతంలో ఉన్న అంచనాలు ఇప్పుడు రెట్టింపు అయ్యాయి. ఆ ఎక్స్‌పెక్టేషన్స్‌ని దృష్టిలో ఉంచుకొని పుష్ప టీమ్‌ ప్రమోషన్స్‌ను దేశవ్యాప్తంగా భారీగా చేస్తోంది. ఎక్కడ ఈవెంట్‌ జరిగినా జనం తండోపతండాలుగా వస్తున్నారు. ప్రతి ఈవెంట్‌కి బన్నీ హాజరవుతూ ప్రమోషన్స్‌లో తనవంతు బాధ్యతను నిర్వర్తిస్తున్నారు. డిసెంబర్‌ 5న సినిమా రిలీజ్‌ వుండడంతో త్వరలోనే తెలుగు రాష్ట్రాల్లో కూడా భారీ ఈవెంట్‌ను ప్లాన్‌ చేస్తున్నారు మేకర్స్‌.
ఇక బిజినెస్‌ విషయానికి వస్తే.. ఇప్పటికే ఈ సినిమా చాలా స్పీడ్‌గా ప్రీరిలీజ్‌ బిజినెస్‌ పూర్తి చేసుకుందని తెలుస్తోంది. ఇంతకు ముందెన్నడూ లేని విధంగా అల్లు అర్జున్‌ సినిమా ప్రీ రిలీజ్‌ బిజినెస్‌ జరిగిందని ట్రేడ్‌ వర్గాలు చెబుతున్నాయి. కలెక్షన్ల పరంగా పెద్ద టార్గెట్‌తోనే పుష్పరాజ్‌ రంగంలోకి దిగుతున్నాడు. డిసెంబర్‌ 5 నుంచి 20 వరకు మరో సినిమా రిలీజ్‌ లేకపోవడం కూడా పుష్ప2కి బాగా కలిసొస్తుంది. 15 రోజులు సమయం ఉండడం, మరో సినిమా లేకపోవడంతో థియేటర్లు కూడా భారీ సంఖ్యలో లభించే అవకాశం ఉంది. దీనివల్ల మేకర్స్‌ అనుకున్న భారీ టార్గెట్‌ను ఈజీగానే రీచ్‌ అయ్యే ఛాన్స్‌ ఉంది. అందుకే వీలైనన్ని ఎక్కువ థియేటర్లలో సినిమాను రిలీజ్‌ చేసేందుకు ప్లాన్‌ చేస్తున్నారు. పైగా తెలంగాణ ప్రభుత్వం టికెట్‌ రేట్లను పెంచుతూ జీఓ కూడా జారీ చేసింది. పెరిగిన టికెట్‌ ధరలను బట్టి ఈసారి పుష్పకు మంచి ఫిగర్స్‌ కనిపించే అవకాశం ఉంది.
ఈ సినిమాకు తెలుగు రాష్ట్రాల్లో రూ.220 కోట్ల వరకు బిజినెస్‌ జరిగిందని తెలుస్తోంది. అంత షేర్‌ రావాలంటే కలెక్షన్స్‌ భారీగానే ఉండాల్సిన అవసరం ఉంది. మొదటి రెండు వారాల్లోనే ఆ టార్గెట్‌ను అందుకోవాలని మేకర్స్‌ ఆలోచిస్తున్నారు. తెలుగు రాష్ట్రాల్లో హయ్యస్ట్‌ గ్రాస్‌ కలెక్ట్‌ చేసిన చిత్రం ‘ఆర్‌ఆర్‌ఆర్‌’. ఆ తర్వాతి స్థానం ‘బాహుబలి’ చిత్రానిది. ఆ స్థాయిలో ‘పుష్ప2’కి కలెక్షన్స్‌ రావాలంటే కష్టంతో కూడుకున్న పనే అయినా, ప్రస్తుతం ట్రెండ్‌ చూస్తుంటే అది సునాయాసంగానే జరుగుతుంది అనిపిస్తోంది. తెలుగు రాష్ట్రాల పరిస్థితి ఎలా ఉన్నా.. నార్త్‌లో, ఇతర రాష్ట్రాల్లో ఈ సినిమాకి కలెక్షన్స్‌ భారీగానే వస్తాయని చెబుతున్నారు. ఇప్పటివరకు పుష్ప2కి సంబంధించి విడుదలైన పాటలుగానీ, టీజర్‌గానీ, ట్రైలర్‌గానీ చూస్తే పుష్పకంటే ఇందులో కొన్ని మైనస్‌లు కనిపిస్తున్నాయి. సినిమాపై ప్రేక్షకుల్లో ఉన్న ఎక్స్‌పెక్టేషన్స్‌ని చూస్తుంటే ఆ మైనస్‌లన్నింటినీ క్రాస్‌ చేసే అవకాశాలు ఉన్నాయి. ఈ విషయంలో ఒక క్లారిటీ రావాలంటే డిసెంబర్‌ 5 వరకు ఆగాల్సిందే.
.webp)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
