'నా స్వీటెస్ట్ అమృత' అంటూ శ్రద్ధకు బర్త్‌డే విషెష్ చెప్పిన ప్రభాస్!
on Mar 3, 2020
'సాహో' హీరోయిన్ శ్రద్ధా కపూర్‌కు ప్రభాస్ పుట్టినరోజు శుభాకాంక్షలు తెలియజేశాడు. మంగళవారం శ్రద్ధ 33వ ఏట అడుగుపెట్టింది. ఈ సందర్భంగా తన ఇన్‌స్టాగ్రాం హ్యాండిల్లో స్పందించిన ప్రభాస్, "నా స్వీటెస్ట్ అమృత.. శ్రద్ధా కపూర్‌కు వెరీ హ్యాపీ బర్త్‌డే" అంటూ పోస్ట్ చేశాడు. దాంతో పాటు 'సాహో' మూవీలో తాము జంటగా ఉన్న ఫొటోను కూడా షేర్ చేశాడు. ఆ ఫొటోలో ప్రభాస్ తెల్లటి కుర్తా ధరించి ఉంటే, శ్రద్ధ వైట్ క్రాప్ టాప్, బ్లూ జీన్స్‌తో ఆకట్టుకుంటోంది.
ఇది ప్రభాస్ షేర్ చేశాడో, లేదో ఫ్యాన్స్ దాన్ని సోషల్ మీడియాలో వైరల్ చేసేశారు. వాళ్లు సైతం శ్రద్ధకు జన్మదిన శుభాకాంక్షలు తెలియజేస్తూ పోస్టులు పెడుతూ వచ్చారు. ఇప్పటి వరకూ శ్రద్ధ దక్షిణాదిన చేసిన సినిమా 'సాహో' ఒక్కటే. బాలీవుడ్‌లో మంచి డిమాండ్ ఉన్న తారగా పేరున్న శ్రద్ధ కేవలం ప్రభాస్ కోసమే 'సాహో' మూవీలో నటించింది. తెలుగు, హిందీ భాషల్లో ఏక కాలంలో రూపొందిన ఆ మూవీలో అమృత పాత్రలో ఆమె ఆకట్టుకుంది. యాక్షన్ సన్నివేశాల్లోనూ నటించింది. తెలుగులో ఆశించిన రీతిలో ఆడకపోయినా హిందీలో సూపర్ హిట్టయ్యింది 'సాహో'. ప్రస్తుతం రూ. 302.31 కోట్లతో దేశంలో టాప్ 9 గ్రాసర్‌గా అది నిలవడం గమనార్హం.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
