ఎట్టకేలకు చిరంజీవి కత్తి మొదలైంది..!
on Apr 29, 2016
ఎట్టకేలకు చిరు 150 సినిమా మొదలైంది. చాలాకాలంగా అభిమానులను ఊరిస్తూ వస్తున్న చిరంజీవి కత్తి రీమేక్ మొదలైంది. కొణిదెల ప్రొడక్షన్ కంపెనీ బ్యానర్ పై రాం చరణ్ ఈ సినిమాను నిర్మిస్తున్నారు. జూబ్లీహిల్స్ లోని చిరు పాత ఇంట్లో అతి కొద్ది మంది మిత్రులు, సన్నిహితుల మధ్య సినిమా స్టార్ట్ అయింది. మెగాబ్రదర్ నాగబాబు గౌరవ దర్శకత్వం వహిస్తే, అల్లు అరవింద్ కెమేరా స్విచాన్ చేశారు. పరుచూరి వెంకటేశ్వరరావు క్లాప్ కొట్టారు. తమిళ కత్తిని రీమేక్ చేయాలనుకున్న తర్వాత చిరు ఆ కథను వినాయక్ చేతిలో పెట్టిన సంగతి తెలిసిందే.
చిరు ఇమేజ్ కు తగ్గట్టుగా స్టోరీని వినాయక్ మార్పులు చేస్తూ వచ్చారు. కొద్ది రోజుల క్రితమే వినాయక్ స్క్రిప్ట్ ను చిరు లాక్ చేసేశారు. స్క్రిప్ట్ కు వినాయక్ అంతర్వేది లక్ష్మీనరసింహస్వామి గుడిలో ప్రత్యేక పూజలు చేయించడం విశేషం. ఈరోజు తర్వాత మంచి ముహూర్తాలు లేకపోవడంతో, సినిమాను సన్నిహితుల మధ్య ప్రారంభించేసిన మెగాక్యాంప్, మే చివరి వారంలో మరోసారి గ్రాండ్ గా లాంఛ్ చేస్తారని మెగా సన్నిహితులు చెబుతున్నారు. ప్రస్తుతానికి నటీనటుల ఎంపిక జరుగుతోంది. చిరు సరసన అనుష్క లేదా నయనతారను తీసుకునే అవకాశాలున్నాయి.
Also Read