'మహేంద్రగిరి వారాహి' గ్లింప్స్.. తెలుగు 'కాంతార' వచ్చేస్తోంది!
on Nov 27, 2023
జయాపజయాలతో సంబంధం లేకుండా విభిన్న చిత్రాలతో తనకంటూ ప్రత్యేక గుర్తింపు తెచ్చుకున్నాడు హీరో సుమంత్. త్వరలో ఆయన మరో విభిన్న చిత్రంతో అలరించడానికి సిద్ధమవుతున్నాడు. అదే 'మహేంద్రగిరి వారాహి'.
రాజశ్యామల బ్యానర్‌పై జాగర్లపూడి సంతోష్ దర్శకత్వంలో కాలిపు మధు, ఎం సుబ్బారెడ్డి నిర్మిస్తున్న చిత్రం 'మహేంద్రగిరి వారాహి'. మహేంద్రగిరిలో కొలువుదీరిన వారాహి అమ్మవారి ఆలయం చుట్టూ తిరిగే కథాంశాన్ని ఆధారంగా చేసుకుని ఈ సినిమా రూపొందుతోంది. ప్రేక్షకులను కట్టిపడేసేలా దర్శకుడు సంతోష్ ఈ చిత్రాన్ని అద్భుతంగా తెరకెక్కిస్తున్నట్లు తెలుస్తోంది. గతంలో సంతోష్ దర్శకత్వంలో 'సుబ్రహ్మణ్యపురం', 'లక్ష్య' వంటి సినిమాలొచ్చాయి. ముఖ్యంగా సుమంత్, సంతోష్ కలయికలో మిస్టరీ థ్రిల్లర్ గా వచ్చిన 'సుబ్రహ్మణ్యపురం' ప్రేక్షకులను విశేషంగా ఆకట్టుకుంది. ఇప్పుడు 'మహేంద్రగిరి వారాహి'తో ఈ ఇద్దరు మరోసారి ఆ మ్యాజిక్ రిపీట్ చేయబోతున్నారు.
ఈ మూవీ ఫస్ట్ గ్లింప్స్ ని తాజాగా విడుదల చేశారు మేకర్స్. ఒంటి మీద గాయాలతో ఉన్న సుమంత్.. చీకటిలో నిర్మానుష ప్రాంతంలో కాగడా పట్టుకొని వెళ్తుండగా.. అక్కడ వారాహి అమ్మవారు ఉన్నట్టుగా శబ్దాలు వినిపిస్తుంటాయి. అమ్మవారి దర్శనమైనట్లుగా సుమంత్ ఆశ్చర్యపోయి చూస్తుండగా.. 'మహేంద్రగిరి వారాహి' టైటిల్ తో గ్లింప్స్ ని ముగించిన తీరు ఆకట్టుకుంది. మొత్తానికి గ్లింప్స్ చూస్తుంటే, కన్నడ 'కాంతార' తరహాలో తెలుగు ప్రేక్షకులను కట్టిపడేస్తుంది అనిపిస్తోంది.
సుమంత్, మీనాక్షి ప్రధాన పాత్రలు పోషిస్తున్న ఈ సినిమాలో వెన్నెల కిషోర్, రాజీవ్ కనకాల, శుభలేఖ సుధాకర్, సత్య సాయి శ్రీనివాస్ తదితరులు ఇతర ముఖ్య పాత్రల్లో నటిస్తున్నారు. అనూప్ రూబెన్స్ సంగీతం అందిస్తున్నాడు.
Also Read
.WEBP)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
