ప్రముఖ నటి శోభిత ఆత్మహత్య
on Dec 1, 2024
బ్రహ్మగంతు,నినిదలే అనే కన్నడ సీరియల్స్ ద్వారా మంచి గుర్తింపుని పొందిన కన్నడ నటి శోభిత(shobhita)2022 లో తెలుగులో తెరకెక్కిన 'ఫస్ట్ డే ఫస్ట్ షో' అనే మూవీతో పాటు మరికొన్ని సినిమాల్లో కూడా పలు క్యారెక్టర్స్ ని పోషించి నటన పై తనకున్న మక్కువని చాటి చెప్పింది. గత ఏడాది మాట్రిమోనీ ద్వారా పరిచయమైన సాఫ్ట్ వేర్ ఇంజినీర్ సుధీర్ రెడ్డి తో శోభిత వివాహం జరగగా భర్తతో కలిసి హైదరాబాద్ లో ఉంటుంది.
అలాంటి శోభిత నిన్న గచ్చిబౌలి శ్రీరామ్ నగర్ లో తన ఇంట్లో ఫ్యాన్ ని ఉరివేసుకొని చనిపోవడం ఇప్పుడు సినీ అండ్ టీవీ సర్కిల్స్ లో సంచలనం సృష్టిస్తుంది. శోభిత ఆత్మహత్య చేసుకునే సమయంలో భర్త సుధీర్ వేరే గదిలో ఉండి వర్క్ చేసుకుంటున్నాడు.ఉదయాన్నే పని మనిషి వచ్చినా కూడా శోభిత గది తలుపు తియ్యకపోవడంతో సుధీర్ కి చెప్పడం జరిగింది.దీంతో తలుపులు బద్దలు కొట్టి చూడగా శోభిత ఉరి వేసుకున్న విషయం తెలిసింది.పెళ్లి తర్వాత నటనకి దూరంగా ఉన్న శోభిత మళ్ళీ నటించడానికి ప్రిపేర్ అవుతున్నట్టుగా కొంత మంది చెప్తున్నారు.మరి ఈ లోపే సూసైడ్ చేసుకొని చనిపోవడం పలువురిని కంటతడి పెట్టిస్తుంది.
సంఘటన స్థలానికి చేరుకున్న పోలీసులు ఘటనకు గల కారణాలను తెలుసుకుంటున్నారు.భర్తతో గొడవలు జరగడం, లేక ఆస్తుల గొడవలు ఏమైనా ఉన్నాయా,డిప్రెషన్ కు లోనైందా,ఒక వేళచంపి ఆత్మహత్యగా చిత్రీకరించారా అనే కోణంలో పోలీసులు దర్యాప్తు చేస్తున్నారు.శోభిత కాల్ డేటా ని కూడా పరిశీలిస్తున్నారు.ఇక శోభిత మృతి పట్ల సినీ,సీరియల్ ప్రముఖులు సంతాపం వ్యక్తం చేస్తున్నారు. ఇటీవలే శోభిత, సుధీర్ గోవా వెళ్ళొచ్చినట్టుగా తెలుస్తుంది.పోస్టుమార్టం అనంతరం ఆమె మృతదేహాన్ని బెంగుళూరు తరలించనున్నట్లు సమాచారం.
Also Read
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
