'హెబ్బా పటేల్' ఛాలెంజింగ్ రోల్ పోషిస్తున్న 'గీత' ఫస్ట్ లుక్ విడుదల
on Dec 16, 2021
ప్రముఖ దర్శకుడు వి.వి.వినాయక్ ప్రియశిష్యుడు విశ్వను దర్శకుడిగా పరిచయం చేస్తూ 'గ్రాండ్ మూవీస్' పతాకంపై ఆర్.రాచయ్య నిర్మిస్తున్న సినిమా 'గీత'. మ్యూట్ విట్నెస్ అన్నది ఉప శీర్షిక. హెబ్బా పటేల్ టైటిల్ పాత్ర పోషిస్తున్న ఈ మూవీలో ప్రముఖ నటుడు సునీల్ ముఖ్యపాత్ర పోషిస్తుండగా.. 'నువ్వే కావాలి' ఫేమ్ సాయి కిరణ్ ప్రతి నాయకుడిగా పరిచయమవుతున్నారు. పోస్ట్ ప్రొడక్షన్ దాదాపుగా పూర్తి చేసుకుని తుది మెరుగులు దిద్దుకుంటున్న ఈ సినిమా ఫస్ట్ లుక్ తాజాగా విడుదలైంది.
Also read: దేవుడున్నాడు.. చూద్దాం ఏం జరుగుతుందో!
'గీత' మూవీ ఫస్ట్ లుక్ ను వినాయక్ విడుదల చేశారు. తన శిష్యుడు విశ్వ దర్శకుడిగా పరిచయమవుతున్న 'గీత' ఘన విజయం సాధించాలని, తన మిత్రుడు రాచయ్య నిర్మాతగా రాణించాలని వినాయక్ అభిలషించారు. ఈ చిత్రంలో పని చేసిన నటీనటులకు, సాంకేతిక నిపుణులకు మంచి పేరు తీసుకురావాలని కోరుకున్నారు.
ఈ సినిమా అవకాశం తన గురువు, దైవం అయిన వినాయక్ గారే ఇప్పించారని చిత్ర దర్శకుడు విశ్వ అన్నారు. నిర్మాత రాచయ్యగారికి ఎప్పటికీ రుణపడి ఉంటానని విశ్వ పేర్కొన్నారు. 'ఛత్రపతి' హిందీ రీమేక్ పనులతో బిజీగా ఉన్నప్పటికీ.. తమ మీద ప్రత్యేక అభిమానంతో 'గీత' ఫస్ట్ లుక్ రిలీజ్ చేసిన వినాయక్ కి నిర్మాత రాచయ్య కృతజ్ఞతలు తెలిపారు. గురువుకు తగ్గ శిష్యుడు అనిపించుకునేలా డైరెక్టర్ విశ్వ.. 'గీత' చిత్రాన్ని అద్భుతంగా రూపొందించారని పేర్కొన్నారు.
Also read: 'పుష్ప' కోసం శేషాచలం ఎర్రచందనాన్ని మారేడుమిల్లి అడవుల్లో సృష్టించింది ఈ జంటే!
రామ్ కార్తిక్, సప్తగిరి, రాజీవ్ కనకాల, 30 ఇయర్స్ పృథ్వి, తనికెళ్ళ భరణి తరితరులు ముఖ్యపాత్రలు పోషిస్తున్న ఈ చిత్రంలో హీరోయిన్ హెబ్బా పటేల్ అనాథల కోసం పోరాడే మూగ యువతిగా.. ఓ ఛాలెంజింగ్ రోల్ చేస్తుండడం విశేషం. సుభాష్ ఆనంద్ ఈ సినిమాకి సంగీతం అందిస్తున్నారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
