నిరాశలో మహేష్, రాజమౌళి అభిమానులు!
on Nov 27, 2023
మహేష్ బాబు, రాజమౌళి అభిమానులకు ఒక బ్యాడ్ న్యూస్. కొంపదీసి మహేష్, రాజమౌళి కాంబినేషన్ లో రూపొందనున్న సినిమా పోస్ట్ పోన్ ఏమైనా అయిందనుకుంటున్నారా. మరీ అంత బ్యాడ్ న్యూస్ కాదు. ఒకే వేదికపై మహేష్, రాజమౌళిని చూస్తూ అభిమానులు కోలాహలం చేసే అవకాశం మిస్ అయింది.
రణబీర్ కపూర్, రష్మిక మందన్న జంటగా సందీప్ రెడ్డి వంగా దర్శకత్వంలో తెరకెక్కిన సినిమా 'యానిమల్'. ఈ యాక్షన్ థ్రిల్లర్ డిసెంబర్ 1న ప్రేక్షకుల ముందుకు రానుంది. ఈ నేపథ్యంలో ఈరోజు(నవంబర్ 27) సాయంత్రం ప్రీ రిలీజ్ ఈవెంట్ నిర్వహిస్తున్నారు. ఈ కార్యక్రమానికి మహేష్, రాజమౌళి ముఖ్య అతిథులుగా హాజరుకానున్నారు.
మహేష్, రాజమౌళి కాంబినేషన్ లో ఓ భారీ సినిమా రూపొందనున్న సంగతి తెలిసిందే. ఇలాంటి సమయంలో ఈ ఇద్దరూ ఒకే వేదికపై కనిపిస్తే అభిమానుల ఆనందానికి అవధులు ఉండవు. అందుకే యానిమల్ వేడుక కోసం అభిమానుల ఎంతగానో ఎదురుచూశారు. ఆ వేడుకలో తమ సినిమా వేడుకలా గోలగోల చేయాలనుకున్నారు. కానీ చివరికి వారికి నిరాశే ఎదురైంది. 'యానిమల్' ప్రీ రిలీజ్ ఈవెంట్ ని అభిమానుల సమక్షంలో కాకుండా.. మల్లారెడ్డి కాలేజ్ లో స్టూడెంట్స్ సమక్షంలో నిర్వహిస్తున్నారు.
రణబీర్ గత చిత్రం 'బ్రహ్మాస్త్ర' ప్రీరిలీజ్ ఈవెంట్ విషయంలో జూనియర్ ఎన్టీఆర్ అభిమానులకు కూడా ఇలాంటి నిరాశే ఎదురైంది. మొదట ఎన్టీఆర్ గెస్ట్ గా ప్రీరిలీజ్ ఈవెంట్ ని అభిమానుల సమక్షంలో ఘనంగా నిర్వహిస్తామని ప్రకటించారు. కానీ ఏవో కారణాల వల్ల ఈవెంట్ ని రద్దు చేసి, ప్రెస్ మీట్ నిర్వహించారు.
Also Read
.WEBP)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
