కల్కి 2.. షాకింగ్ అప్డేట్ ఇచ్చిన నాగ్ అశ్విన్!
on Mar 18, 2025
గతేడాది 'కల్కి 2898 AD' బ్లాక్ బస్టర్ ను సొంతం చేసుకున్నాడు ప్రభాస్ (Prabhas). నాగ్ అశ్విన్ దర్శకత్వంలో వైజయంతి మూవీస్ నిర్మించిన ఈ మైథలాజికల్ సైన్స్ ఫిక్షన్ ఫిల్మ్.. వరల్డ్ వైడ్ గా రూ.1000 కోట్లకు పైగా గ్రాస్ కలెక్ట్ చేసింది. విడుదలకు ముందే ఈ సినిమాకి సెకండ్ పార్ట్ ఉందని అనౌన్స్ చేశారు. అయితే 'కల్కి-2' ఎప్పుడు మొదలవుతుంది అనే దానిపై సస్పెన్స్ నెలకొని ఉంది. (Kalki 2)
ప్రస్తుతం ప్రభాస్ చేతిలో పలు సినిమాలు ఉన్నాయి. 'ది రాజా సాబ్', 'ఫౌజి' షూటింగ్ దశలో ఉన్నాయి. ఆ తర్వాత కల్కి-2 తో పాటు స్పిరిట్, సలార్-2, ప్రశాంత్ వర్మ ప్రాజెక్ట్ ఉన్నాయి. ఇన్ని సినిమాల నడుమ.. కల్కి-2 వంటి భారీ సినిమాకి ప్రభాస్ తగినంత సమయం కేటాయించగలడా? అసలు ఈ సినిమా ఎప్పుడు నుంచి మొదలవుతుంది? అనే ప్రశ్నలు ఫ్యాన్స్ లో ఉన్నాయి. ఈ ప్రశ్నలకు తాజాగా దర్శకుడు నాగ్ అశ్విన్ సమాధానం ఇచ్చే ప్రయత్నం చేశారు. (Nag Ashwin)
నాగ్ అశ్విన్ డైరెక్ట్ చేసిన ఫస్ట్ ఫిల్మ్ 'ఎవడే సుబ్రమణ్యం' మార్చి 21న రీ రిలీజ్ కానుంది. ఈ నేపథ్యంలో నాగ్ అశ్విన్ ప్రెస్ మీట్ నిర్వహించగా.. ఆయనకు కల్కి-2 కి సంబంధించిన ప్రశ్న ఎదురైంది. దీనికి ఆయన బదులిస్తూ.. "ప్రస్తుతం కల్కి-2 ప్రిపరేషన్ నడుస్తోంది. ఈ ఏడాది చివరిలో మొదలయ్యే అవకాశముంది. కల్కి-2 లో ప్రభాస్ గారి పాత్ర ఎక్కువగా ఉంటుంది. మొదటి పార్ట్ లో మహాభారతం మరియు ఇతర కీలక పాత్రల సెటప్ చేశాం. సెకండ్ పార్ట్ లో ప్రభాస్ పోషిస్తున్న భైరవ, కర్ణ పాత్రల గురించే ఎక్కువ ఉంటుంది." అన్నారు.
.webp)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
