షారుఖ్ ఖాన్, సుకుమార్ కాంబోలో బిగ్గెస్ట్ ఫిల్మ్..?
on Mar 15, 2025
ఇండియా బిగ్గెస్ట్ స్టార్స్ లో ఒకరైన షారుఖ్ ఖాన్ (Shah Rukh Khan), స్టార్ డైరెక్టర్ సుకుమార్ (Sukumar) తో చేతులు కలపబోతున్నట్లు వార్తలొస్తున్నాయి. అదే నిజమైతే, కేవలం అనౌన్స్ మెంట్ తోనే ఈ సినిమా సంచలనాలు సృష్టిస్తుంది అనడంలో సందేహం లేదు.
'పఠాన్', 'జవాన్' సినిమాలతో వరుసగా రెండుసార్లు రూ.1000 కోట్ల క్లబ్ లో చేరిన షారుఖ్.. తన బాక్సాఫీస్ పవర్ ఏంటో మళ్ళీ చూపించాడు. మరోవైపు సుకుమార్ కూడా 'పుష్ప-2'తో దాదాపు రూ.1800 కోట్లు కొల్లగొట్టి, పాన్ ఇండియా వైడ్ గా సంచలనం సృష్టించాడు. అలాంటిది ఈ ఇద్దరు కలిసి ఒక సినిమా చేయబోతున్నారనే వార్త సోషల్ మీడియాని షేక్ చేస్తోంది. సినీ అభిమానులైతే ఎప్పుడెప్పుడు అఫీషియల్ అనౌన్స్ మెంట్ వస్తుందా అని ఎక్సైట్ అవుతున్నారు. అయితే షారుఖ్-సుకుమార్ కాంబినేషన్ వార్తలు ఎంతవరకు నిజమో కానీ, ఇప్పట్లో అయితే వీరి కాంబో ఫిల్మ్ కష్టమే అనే అభిప్రాయాలు వ్యక్తమవుతున్నాయి.
షారుఖ్ చేతిలో కింగ్, పఠాన్-2 వంటి సినిమాలు ఉన్నాయి. సుకుమార్ కూడా రామ్ చరణ్ తో సినిమా కమిటై ఉన్నాడు. ఆ తర్వాత పుష్ప-3 కూడా లైన్ లో ఉంది. ఇద్దరు కలిసి సినిమా చేయాలంటే కనీసం రెండేళ్లు పట్టే అవకాశముంది. మరి షారుఖ్-సుకుమార్ కలయికలో నిజంగానే సినిమా వస్తుందా? వస్తే ఎప్పుడు? అనేది క్లారిటీ రావాల్సి ఉంది.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
