ఈసారి స్వామి స్వామి రా రా
on May 2, 2014
నిఖిల్, స్వాతి జంటగా నటించిన చిత్రం "స్వామి రా రా". చిన్న చిత్రమైన కూడా మంచి విజయాన్ని సాధించింది. దర్శకుడిగా సుధీర్ వర్మ తన తొలిప్రయత్నంలోనే ఒక చక్కని కథతో విజయాన్ని సొంతం చేసుకున్నారు. అయితే ఈ చిత్రానికి కొనసాగింపుగా మరో చిత్రం వస్తోంది. "స్వామి స్వామి రా రా" 'ది సాగా కంటిన్యూస్' అనేది ఉపశీర్షిక. చక్రి చిగురుపాటి నిర్మించనున్న ఈ చిత్రానికి ఎస్.బోస్ దర్శకత్వం వహిస్తారు. ఈ చిత్ర వివరాల గురించి సహ నిర్మాత బి.ఎస్.వర్మ మాట్లాడుతూ... 'మంచి సినిమాలకు ఎప్పడూ ఆదరణ ఉంటుందని నిరూపించిన చిత్రం 'స్వామి రా రా'. ఇపుడు ఈ చిత్రానికి సీక్వెల్ సిద్ధం చేస్తున్నాం. ఇందులో ఓ ప్రముఖ కథానాయకుడు హీరోగా నటించనున్నారు. ఆయనేవరనేది త్వరలోనే చెబుతాము' అని అన్నారు.