ప్రభాస్ తో సంథింగ్ స్పెషల్.. మహేష్ గురించి ఆ సీక్రెట్..!
on Nov 4, 2025
పుష్ప, యానిమల్, ఛావా వంటి సినిమాలతో పాన్ ఇండియా వైడ్ గా మంచి గుర్తింపు సొంతం చేసుకుంది రష్మిక మందన్న. ప్రస్తుతం ఆమె చేతిలో పలు క్రేజీ ప్రాజెక్ట్ లు ఉన్నాయి. ఈ నవంబర్ 7న 'ది గర్ల్ఫ్రెండ్'తో ప్రేక్షకులను పలకరించనుంది. ఈ మూవీ ప్రమోషన్స్ తో బిజీగా ఉన్న రష్మిక.. తాజాగా అభిమానులతో సోషల్ మీడియా వేదికగా చిట్ చాట్ నిర్వహించింది. ఇందులో భాగంగా స్టార్ హీరోలు ప్రభాస్, మహేష్ బాబుపై ఆమె ఆసక్తికర వ్యాఖ్యలు చేసింది. (Rashmika Mandanna)
ప్రజెంట్ టాలీవుడ్ టాప్ స్టార్స్ లో మహేష్ బాబు, అల్లు అర్జున్ తో స్క్రీన్ షేర్ చేసుకున్న రష్మిక.. ఇంకా ప్రభాస్, ఎన్టీఆర్, రామ్ చరణ్, పవన్ కళ్యాణ్ వంటి స్టార్స్ తో కలిసి నటించలేదు. ఈ క్రమంలోనే ఓ అభిమాని ప్రభాస్ తో స్క్రీన్ షేర్ చేసుకునే అవకాశముందా? అని అడిగాడు.
"ఇండియాస్ బిగ్గెస్ట్ సూపర్ స్టార్ ప్రభాస్ తో కలిసి వర్క్ చేసే అవకాశముందా. ఒకవేళ అది జరిగితే థియేటర్ దగ్గర నా బాడీ కలెక్ట్ చేసుకో రషు" అంటూ హైప్ తో చనిపోయినట్టుగా ఉన్న బ్రహ్మానందం ఫొటో మీమ్ ని ప్రభాస్ అభిమాని పోస్ట్ చేశాడు. దీనికి రష్మిక ఇచ్చిన సమాధానం వైరల్ అవుతోంది. "ఇది నాకు నచ్చింది. ప్రభాస్ సర్ ఈ మెసేజ్ చూస్తారని ఆశిస్తున్నాను. అలాగే, మేమిద్దరం త్వరలో ఒక ప్రత్యేకమైన ప్రాజెక్ట్లో కలిసి పనిచేస్తామని కూడా ఆశిస్తున్నాను" అని రష్మిక రాసుకొచ్చింది.
Also Read: ప్రభాస్ 'ఫౌజీ' సర్ ప్రైజ్.. బిగ్ లీక్ ఇచ్చిన సుధీర్ బాబు!
"మహేష్ బాబులో మీకు నచ్చిన ఒక విషయం ఏమిటి?" అని ఓ అభిమాని అడగగా.. దానికి కూడా రష్మిక భలే సమాధానం ఇచ్చింది. "సర్ ఎప్పటికీ యంగ్ గా కనిపిస్తారు. అసలు వయసు అయిపోదు. ఇంకా వయసు వెనక్కి తగ్గుతున్నట్టు అనిపిస్తుంది. నాకు అది చాలా ఇష్టం. అసలది ఎలా సాధ్యమో తెలుసుకోవాలనుకుంటున్నాను." అని రష్మిక రిప్లై ఇచ్చింది.
ప్రభాస్, మహేష్ గురించి రష్మిక చేసిన ఈ కామెంట్స్ ప్రస్తుతం సోషల్ మీడియాలో వైరల్ గా మారాయి.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
