'పుష్ప-2' ఫస్ట్ రివ్యూ.. ఇది అసలు ఊహించలేదు...
on Nov 28, 2024
'పుష్ప-2' ప్రభంజనానికి ఇంకా వారం రోజులే సమయముంది. ఈ సినిమా భారీ అంచనాల నడుమ డిసెంబర్ 5న థియేటర్లలో అడుగుపెట్టనుంది. తాజాగా 'పుష్ప-2' సెన్సార్ కార్యక్రమాలు పూర్తి చేసుకుంది. సెన్సార్ టాక్ ని బట్టి చూస్తే.. ఇండియన్ బాక్సాఫీస్ దగ్గర ఈ సినిమా సరికొత్త రికార్డులు సృష్టించడం ఖాయమనిపిస్తోంది. (Pushpa 2 The Rule)
'పుష్ప-2' రన్ టైం 3 గంటల 20 నిమిషాలు. ఈ చిత్రానికి సెన్సార్ బోర్డు యూ/ఏ సర్టిఫికెట్ ను జారీ చేసింది. ఇక సెన్సార్ టాక్ చూస్తే.. బొమ్మ బ్లాక్ బస్టర్ అనే మాట వినిపిస్తోంది. నిడివి ఎక్కువ అయినప్పటికీ, ఎక్కడా బోర్ కొట్టకుండా దర్శకుడు సుకుమార్ సినిమాని మలిచారట. భారీతనంతో పాటు, కథనం సన్నివేశాల రూపకల్పన పరంగా 'పుష్ప-1'తో పోలిస్తే 'పుష్ప-2' ఎన్నో రెట్లు మెరుగ్గా ఉందట. మాస్ ఆడియన్స్ మెచ్చే భారీ యాక్షన్ ఎపిసోడ్ లు, పవర్ ఫుల్ డైలాగ్ లు, డ్యాన్స్ లతో పాటు.. ఫ్యామిలీ ఆడియన్స్ ని కట్టిపడేసే బలమైన ఎమోషన్స్ ఉన్నాయట. 'పుష్ప-2'లో ఫ్యాన్స్ కి గూస్ బంప్స్ తెప్పించే సీన్స్ ఎన్నో ఉన్నాయి అంటున్నారు. పుష్పరాజ్ ఎంట్రీ సీన్ తో పాటు, ఇంటర్వెల్, క్లయిమాక్స్ అదిరిపోయాయట. ఇక 20 నిమిషాల పాటు సాగే జాతర ఎపిసోడ్ అయితే సినిమాకే హైలైట్ అని చెబుతున్నారు. ఇకా మూడు నిమిషాల నిడివితో సింగిల్ షాట్ లో తీసిన సీన్ ఒకటి ఉందట. ఆ సీన్ థియేటర్లలో పూనకాలు తెప్పించడం ఖాయం అంటున్నారు. మొత్తానికైతే 'పుష్ప-2' బ్లాక్ బస్టర్ అని టాక్.
ఇప్పటికే 'పుష్ప-2'పై భారీ అంచనాలు ఉన్నాయి. ఇక ఇప్పుడు సెన్సార్ టాక్ తో అంచనాలు రెట్టింపు అవుతాయి అనడంలో సందేహం లేదు. ప్రస్తుత ట్రెండ్ చూస్తుంటే ఈ సినిమా బాక్సాఫీస్ దగ్గర కనీసం రూ.1000 కోట్లు కొల్లగొట్టడం ఖాయంగా కనిపిస్తోంది. అదే జరిగితే ప్రభాస్ తర్వాత సోలో హీరోగా 1000 కోట్ల క్లబ్ లో చేరిన తెలుగు హీరోగా అల్లు అర్జున్ నిలుస్తాడు.
.webp)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
