బెంగాల్ టైగర్ లో పవర్ స్టార్ జపం!!

on Dec 11, 2015

బెంగాల్ టైగర్ లో పవన్ కళ్యాణ్ ని వీలు చిక్కినపుడల్లా బాగానే మోశాడట సంపత్ నంది. ‘సౌత్ ఇండియాలో సూపర్ స్టార్ రజినీకాంత్‌ను మించిన స్టార్ రాడనుకున్నాం.. కానీ పవర్ స్టార్ పవన్ కళ్యాణ్ రాలేదా’’ ఇదీ బెంగాల్ టైగర్ సినిమాలో ఓ డైలాగ్. పవన్ మీద తనకున్న అభిమానాన్ని చాటుకోవడానికే సంపత్ ఈ డైలాగ్ రాసినట్లున్నాడు. సినిమాలో పవన్ రెఫరెన్సులు ఇంతటితో ఆగిపోలేదు. ‘‘మొన్న ఎన్నికల్లో ఓ పార్టీ తరఫున ఓ స్టార్ ప్రచారం చేస్తే జనాలు ఓట్లు గుద్దేయలేదూ’’ అంటూ పవన్ పొలిటికల్ పవర్ మీద కూడా ఓ డైలాగ్ పేల్చాడు సంపత్. ‘అత్తారింటికి దారేది’ క్లైమాక్స్ పేరడీతో పవన్ ను మరోసారి గుర్తుకు తెచ్చాడు సంపత్. మొత్తానికి రవితేజ సినిమాలో ఛాన్స్ దొరికినప్పుడల్లా పవర్ స్టార్ జపం చేశాడు సంపత్ నంది. మరి ఈసారైనా పవన్ కరుణిస్తాడో లేదో చూడాలి.