'శ్రీమంతుడు'తో సెంటిమెంట్ వార్
on Aug 3, 2015
టాలీవుడ్ సెంటిమెంట్స్ కి పుట్టినిల్లు అని చెబుతుంటారు. ఒక్కోసారి ఇది నిజమెమో అనిపిస్తుంటుంది. టాలీవుడ్ లో చాలా మంది డైరెక్టర్లు, హీరోలు సెంటిమెంట్స్ ని ఎక్కువగానే ఫాలో అవుతుంటారు. లేటెస్ట్ గా శ్రీమంతుడు విషయంలో ఓ సెంటిమెంట్ టాలీవుడ్ వర్గాలలో హాట్ టాపిక్ గా మారింది. సాధారణంగా తెలుగు సినిమా ఇండస్ట్రీ లో ఏ దర్శకుడికైన రెండో సినిమా అంతగా కలిసి రాదని ఇక్కడి వారి వాదన. అయితే ఇదే సినిమా మహేష్ బాబుతో చేస్తే మాత్రం హిట్ అవుతుందట. ఇప్పుడు ఈ సెంటిమెంట్ పైనే హాట్ హాట్ గా చర్చలు నడుస్తున్నాయి.
మిర్చి సినిమా తరువాత కొరటాల శివ చేస్తున్న రెండో సినిమా 'శ్రీమంతుడు'. ఇది ఆయన రెండో సినిమా కాబట్టి టాలీవుడ్ సెంటిమెంట్ ప్రకారం ఈ సినిమా హిట్ కంటే ఫ్లాప్ అయ్యే ఛాన్స్ లే ఎక్కువగా వున్నాయని ఇండస్ట్రీ టాక్. అయితే మహేష్ ముందు ఈ సెంటిమెంట్ పనిచేయదని, అది సూపర్ స్టార్ ట్రాక్ రికార్డ్ చూస్తే అర్థమవుతుందని ఫ్యాన్స్ వాదన.
త్రివిక్రమ్ మహేష్ తో చేసిన రెండో సినిమా అతడు హిట్టైంది, అలాగే శ్రీకాంత్ అడ్డాల మహేష్ తో చేసిన 'సీతమ్మ వాకిట్లో సిరిమల్లె చెట్టు' కూడా సూపర్ హిట్టయింది. దీంతో కొరటాల శివ మహేష్ తో చేస్తున్న రెండో సినిమా ''శ్రీమంతుడు'' కూడా టాలీవుడ్ లో కొత్త రికార్డ్స్ సృష్టిస్తుందని మహేష్ అభిమానులు అంటున్నారు. సో.. 'శ్రీమంతుడు'తో మహేష్ సెంటిమెంట్ గెలుస్తుందా? లేక టాలీవుడ్ సెంటిమెంట్ నిలబడుతుందా? అనేది వేచి చూడాలి.
.jpg)
.jpg)
Also You May Like
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
