'మా' ఉత్కంఠకు తెర..శుక్రవారం ఫలితాలు
on Apr 15, 2015
మూవీ ఆర్టిస్ట్స్ అసోసియేషన్ (మా) అధ్యక్ష ఎన్నికల ఫలితాల వెల్లడికి మార్గం సుగమం అయ్యింది. ‘మా’ అధ్యక్ష ఎన్నికల ఫలితాల వెల్లడికి న్యాయస్థానం నుంచి ‘గ్రీన్ సిగ్నల’ పడటంతో శుక్రవారం కౌంటింగ్ నిర్వహించి, అదే రోజు ఫలితం వెల్లడిరచేందుకు ఏర్పాట్లు చేయనున్నట్లు ‘మా’ ఎన్నికల అధికారి కృష్ణమోహన్ వెల్లడి౦చారు. సుమారు వెయ్యి మంది కూడా లేని ‘మా’లో అనేక రాజకీయ వివాదాలు తెరపైకొచ్చాయి ఈసారి. గతంలోనే ‘మా’ ఎన్నికలు జరిగినా, ఫలితాలు వెల్లడి కాకుండా ఆగిపోయిన విషయం విదితమే. అయితే న్యాయస్థానం ఓ.కళ్యాణ్ పిటిషన్ని డిస్మిస్ చేసి, ఆయనకు పదివేల రూపాయల జరీమానా కూడా విధించింది. ‘మా’ అధ్యక్ష ఎన్నికల ఫలితాలు వెల్లడి చేసుకోవచ్చని న్యాయస్థానం తేల్చి చెప్పింది. సీనియర్ నటులు జయసుధ, రాజేంద్రప్రసాద్ అధ్యక్ష ఎన్నికల బరిలో నిలిచిన విషయం విదితమే.