గుణశేఖర్... ఆత్మహత్య చేసుకోవాలనుకొన్నాడా??
on Oct 15, 2015
డూ ఆర్ డై సెట్యువేషన్లో గుణశేఖర్ తెరకెక్కించిన సినిమా రుద్రమదేవి. ఈ సినిమాకి ముందు గుణశేఖర్ కెరీర్ మరీ ఘోరంగా ఉంది. సినిమా తీసేందుకు నిర్మాత కూడా లేడు. అలాంటి క్లిష్ట పరిస్థితుల్లో రుద్రమదేవి అనే స్ర్కిప్టుని నమ్మి దానిపై కోట్లు ధారబోశాడు. తీరా చూస్తే.. అది హీరోయిన్ ఓరియెంటెడ్ సినిమా. కథానాయికని నమ్మి.. రూ.70 కోట్లతో సినిమా తీసిన గుణశేఖర్ సాహసానికి అందరూ ఆశ్చర్యపోయారు.
అయితే.. రుద్రమదేవి మేకింగ్ అంత ఈజీగా ఏం జరగలేదు. పడుతూ లేస్తూ.. ఎన్నో క్లిష్ట పరిస్థితుల్ని ఎదుర్కొంటూ ఈ సినిమాని పూర్తి చేశాడు. ఈ సినిమా కోసం గుణ... తన ఇంటిని, తన ఆస్తుపాస్తుల్ని తాకట్టు పెట్టాడని పరిశ్రమ వర్గాలు చెప్పుకొంటున్నాయి. ఆఖరికి ఆయన కారు కూడా తాకట్టులోనే ఉందని చెప్పుకొన్నాయి. పలుమార్లు ఈ సినిమా విడుదల తేదీ వాయిదా పడడంతో గుణ తీవ్రమనస్థాపానికి గురయ్యాడని టాక్. అక్టోబరు 9న ఈసినిమా విడుదలైంది. అయితే... అప్పుడు కూడా కొన్ని శక్తులు ఈ సినిమాని ఆపాలని ట్రై చేశాయట. నీ సినిమాని వాయిదా వేసుకో అని గుణశేఖర్పై ఒత్తిడి తీసుకొచ్చాయట.
`ఈ పరిస్థితుల్లో సినిమా ఆపితే ఆత్మహత్య తప్ప మరో మార్గం లేదని` గుణ వాళ్లతో చెప్పుకొచ్చాడట. దాంతో.. గుణపై ఒత్తిడి తీసుకొచ్చిన నిర్మాతలంతా వెనక్కి తగ్గి.. రుద్రమదేవి విడుదలకు ఛాన్సిచ్చారని తెలుస్తోంది. అయితే ఇప్పటికీ గుణశేఖర్ శేఖర్ సేఫ్ జోన్లో పడలేదని చెప్పుకొంటున్నారు. ఇప్పటికి కేవలం రూ.30 కోట్లే రిటర్న్ అయ్యాయని ఇంకా సగం డబ్బులు రావాల్సివుందని టాక్. మరి గుణ ఎప్పుడు ప్రశాంతంగా ఊపిరి తీసుకొంటాడో మరి.