'సైరా' విడుదలైన మూడు రోజులకే...
on Sep 21, 2019
తెలుగులో భారీ చిత్రాల విడుదలకు వారం రోజుల ముందు, తర్వాత సరైన సినిమాలు విడుదల కావు. అది ఎవరూ రాయని రాజ్యాంగం. ఆగస్టు 15న విడుదల కావాల్సిన 'సాహో' 30కి వాయిదా పడితే... 30న విడుదల కావాల్సిన 'నానిస్ గ్యాంగ్ లీడర్' సెప్టెంబర్ రెండోవారానికి వెళ్లింది. ఆ వారంలో రావాల్సిన వరుణ్ తేజ్ 'గద్దలకొండ గణేష్' నిన్న విడుదలైంది. కానీ, మెగాస్టార్ చిరంజీవి ప్రెస్టీజియస్ ప్రాజెక్టు 'సైరా నరసింహారెడ్డి' విడుదలైన మూడు రోజులకు 'చాణక్య' విడుదల చేస్తున్నాడు గోపీచంద్. 'సైరా' ఫలితంపై సందేహమో లేదా 'చాణక్య' అవుట్ పుట్ మీద విపరీతమైన నమ్మకమో. అక్టోబర్ 2న 'సైరా' విడుదల అవుతుంది. అదీ తెలుగు, తమిళ, హిందీ, కన్నడ, మలయాళ భాషల్లో. భారీ ఎత్తున విడుదల చేయడానికి సన్నాహాలు చేస్తున్నారు. అది విడుదలైన మూడు రోజులకు వస్తున్న 'చాణక్య'కు ఎన్ని థియేటర్లు లభిస్తాయో చూడాలి.
Also Read