ట్రైలర్ రివ్యూ: భాగమతి
on Jan 8, 2018
అరుంధతి, రుద్రమదేవి తర్వాత అనుష్క లీడ్ రోల్‌లో నటిస్తోన్న మూవీ భాగమతి. హారర్.. థ్రిల్లర్ జోనర్‌‌లో తెరకెక్కుతున్న ఈ మూవీ టైటిల్, ఫస్ట్‌లుక్, టీజర్‌తో ఇప్పటికే ఆడియన్స్‌లో క్రేజ్ సంపాదించుకుంది. దానిని మరింత పెంచుతూ ఇవాళ చిత్ర యూనిట్ ట్రైలర్ రిలీజ్ చేసింది. మొదట సాఫ్ట్‌రోల్‌లో అనుష్క ఎంట్రీ ఇవ్వడం.. ఊరి కోసం మంచి చేయడం చూపించిన తర్వాత సడెన్‌గా ఆమె జైలు కెళ్లడం.. జైలుకు వెళ్లిన ఆమెను ఒక పాతకాలం నాటి బంగ్లాలో బంధించడం.. అక్కడ అదృశ్యశక్తి అనుష్కను వెంటాడటం వెనుక అంతా ఒక సస్పెన్స్‌గా ఉంది. చివర్లో "ఎవరు ప‌డితే వారు రావ‌డానికి, ఎప్పుడు ప‌డితే అప్పుడు పోవ‌డానికి ఇదేమైనా ప‌శువుల దొడ్డా.. భాగమతి అడ్డా. లెక్క‌లు తేలాలి.. ఒక్క‌డ్నీ పోనివ్వ‌ను` అంటూ అనుష్క ప‌లికిన డైలాగులు వెన్నులో వణుకు పుట్టిస్తున్నాయి.
ట్రైలర్‌ను బట్టి చూస్తుంటే ఈ సినిమా కూడా అరుంధతి తరహాలోనే ఉన్నట్లుగానే అనిపిస్తోంది. ఇక బ్యాక్‌గ్రౌండ్‌లో వినిపించే "భగ.. భగ.. భగ.. భాగమతి వచ్చేసింది" అనే థీమ్‌ మ్యూజిక్ భయపెడుతోంది.. థమన్ మ్యూజిక్.. సినిమాటోగ్రఫి.. విజువల్ ఎఫెక్ట్స్‌ అన్ని అదిరిపోయాయి. పిల్ల జమీందార్ ఫేం అశోక్ దర్శకత్వంలో తెరకెక్కుతున్న ఈ సినిమాను యూవీ క్రియేషన్స్ సంస్థ నిర్మిస్తోంది. ఆది పినిశెట్టి, ఉన్ని ముకుందన్ తదితరులు కీలక పాత్రలు పోషించిన భాగమతి రిపబ్లిక్ డే కానుకగా జనవరి 26న రిలీజ్ అవుతోంది.
.jpg)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
