ఆటోనగర్ సూర్య విడుదల కన్ఫర్మ్ చేసిన రాజమౌళి
on Jun 26, 2014
నాగచైతన్య నటించిన 'ఆటోనగర్ సూర్య' చిత్రం ఎన్నో ఒడిదుడుకుల తర్వాత జూన్ 27న విడుదల తేదీని ప్రకటించింది. కానీ ఆ విడుదల ఆపాలంటూ కోర్టులో కేసు నమోదు అయ్యింది. జులై 10వ తేదీ వరకు చిత్ర విడుదలను నిలిపివేయాలని గుంటూరు కోర్టు ఉత్తర్వులు జారీ చేసింది.
అయితే ఇప్పటికే ఎంతో ఆలస్యమైన ఈ చిత్రాన్ని జూన్ 27న రిలీజ్ చెయ్యాలని నిర్మాతలు గట్టిగా ప్రయత్నిస్తున్నారు. ఈ నేపథ్యంలో రేపే ఆటోనగర్ సూర్య చిత్రం విడుదల కానుంది, డైరెక్టర్ దేవకట్టా అండ్ టీంకు ఆల్ ద బెస్ట్ అంటూ ఫేస్బుక్ లో విష్ చేశారు రాజమౌళి.
అలాగే ఈ చిత్రానికి సంబంధించిన థియేటర్ విడుదల వివరాలు కూడా వెబ్ మీడియాలో ప్రచారంలోకి వచ్చాయి. రేపే ఆటోనగర్ సూర్య విడుదల అంటూ పోస్టర్లు కూడా దర్శనమిస్తున్నాయి.
దీనిని బట్టి చూస్తే, కోర్టు ఉత్తర్వులు విడుదలకు అనుకూలంగానే వచ్చి వుండవచ్చని తెలుస్తోంది. ఈ చిత్రం విడుదలకు సంబంధించిన కేసు బుధవారం విచారణకు వచ్చిన సంగతి తెలిసిందే.