హ్యాట్రిక్ డైరెక్ట‌ర్‌తో మ‌రోసారి విజ‌య్?
on Dec 7, 2020
కోలీవుడ్ స్టార్ విజ‌య్ కి అచ్చొచ్చిన ద‌ర్శ‌కుల్లో అట్లీ ఒక‌రు. ఈ ఇద్ద‌రి కాంబినేష‌న్ లో వ‌చ్చిన తెరి (తెలుగులో పోలీస్), మెర్స‌ల్ (తెలుగులో అదిరింది), బిగిల్ (తెలుగులో విజిల్).. ఇలా మూడు సినిమాలు కూడా బాక్సాఫీస్ వ‌ద్ద సెన్సేష‌న్ క్రియేట్ చేశాయి. హ్యాట్రిక్ కాంబినేష‌న్ గా వీరికి ప్ర‌త్యేక గుర్తింపుని తీసుకువ‌చ్చాయి.
క‌ట్ చేస్తే.. స్వ‌ల్ప విరామం త‌రువాత ఈ ఇద్ద‌రి క‌ల‌యిక‌లో మ‌రో మూవీ రాబోతున్న‌ట్లు కోలీవుడ్ టాక్. ఆ వివరాల్లోకి వెళితే.. లోకేష్ క‌న‌క‌రాజ్ డైరెక్ష‌న్ లో త‌ను న‌టించిన మాస్ట‌ర్ చిత్రం విడుద‌ల‌కు సిద్ధ‌మ‌వ‌డంతో విజ‌య్ త‌న నెక్స్ట్ వెంచ‌ర్ ని త‌న ల‌క్కీ డైరెక్ట‌ర్స్ లో ఒక‌రైన ఎ.ఆర్. మురుగ‌దాస్ తో గానీ, యంగ్ డైరెక్ట‌ర్ నెల్సన్ దిలీప్ కుమార్ తో గానీ చేయాల‌నుకున్నారు. అయితే కొన్ని కార‌ణాల వ‌ల్ల ఈ ప్రాజెక్ట్స్ ఇప్ప‌ట్లో సెట్స్ పైకి వెళ్ళే అవ‌కాశం లేదంటున్నారు. ఈ నేప‌థ్యంలో.. అట్లీతో సినిమా చేసే దిశ‌గా విజ‌య్ ప్లాన్ చేశార‌ట. అటు అట్లీ కూడా బాలీవుడ్ బాద్ షా షారుఖ్ ఖాన్ తో చేయాల‌నుకున్న సినిమా వాయిదా ప‌డ‌డంతో.. విజ‌య్ తో మూవీ చేసేందుకు వెంట‌నే గ్రీన్ సిగ్న‌ల్ ఇచ్చార‌ట.
త్వ‌ర‌లోనే ఈ సెన్సేష‌న‌ల్ కాంబినేష‌న్ ఫోర్త్ జాయింట్ వెంచ‌ర్ పై క్లారిటీ వ‌చ్చే అవ‌కాశ‌ముంది.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
