24 సినిమాకు ప్రీక్వెల్ రెడీ అయిపోయిందట..!
on May 11, 2016
అతి కష్టమైన సబ్జెక్ట్స్ ను తీసుకుని చాలా సింపుల్ గా చూపించడంలో విక్రమ్ కె కుమార్ ది ప్రత్యేకమైన శైలి. బి 24, మనం, లేటెస్ట్ గా 24 , ఇవన్నీ కూడా చాలా కష్టమైన స్క్రీన్ ప్లే కలిగిన సినిమాలు. కానీ వాటిని చాలా ఈజీగా, అందరికీ అర్ధమయ్యేలా మూవీని తీయడంలో విక్రమ్ ఎక్స్ పర్ట్. సూర్యతో తీసిన సైఫై సినిమా 24 ఇప్పుడు అన్ని చోట్ల సూపర్ హిట్ టాక్ తో దూసుకుపోతోంది. చాలా కొత్తగా తెరకెక్కించి ఆడియన్స్ ను అట్రాక్ట్ చేయడంలో సక్సెస్ అయ్యాడు దర్శకుడు. సినిమా రిలీజ్ కు ముందే, హిట్టైతే ప్రీక్వెల్ లేదా సీక్వెల్ తీస్తానని ప్రకటించాడు విక్రమ్ కె కుమార్.
ప్రస్తుతం వచ్చిన హిట్ టాక్ తో, ప్రీక్వెల్ కు స్టోరీ లైన్ ను కూడా రెడీ చేసేశాడట. 24 సినిమా ఆత్రేయ వాచ్ కోసం ప్రయత్నించడం తో మొదలవుతుంది. అయితే ఆత్రేయ శివకుమార్ ను వాచ్ కోసం ఎందుకు బెదిరిస్తున్నాడు అనేది మాత్రం సినిమాలో చెప్పలేదు. దీన్ని బేస్ చేసుకుని, ప్రీక్వెల్ తీయబోతున్నాడట విక్రమ్. ఇప్పటికే పూర్తి స్టోరీ లైన్ ను రెడీ చేసేశానని, మరో ఏడాదిలోనే ఈ సినిమాను తెరకెక్కిస్తానని చెబుతున్నాడు. చాలా మంది దర్శకుల్లా ఏదో ఒక జానర్ కు బేస్ అవకుండా, లవ్, థ్రిల్లర్, సైఫై ఇలా అన్నింటినీ టచ్ చేస్తూ వెళ్లడం విక్రమ్ కె కుమార్ ప్రత్యేకత. మరి ప్రీక్వెల్ ఎలా ఉంటుందో వేచి చూడాలి.