ప్రాంతీయ న‌టుడి స్థాయి నుంచి జాతీయ స్థాయి న‌టుడిగా ఎదిగాడు కోలీవుడ్ స్టార్ ధ‌నుష్. ఈ క్ర‌మంలోనే.. ఒక‌దానితో పొంత‌న లేని పాత్ర‌లు, క‌థ‌లు ఎంచుకుంటూ.. త‌న అభిమాన గ‌ణాన్ని ఎప్ప‌టిక‌ప్పుడు పెంచుకుంటూ ముందుకు సాగుతున్నాడు ఈ వెర్స‌టైల్ హీరో.

ఇదిలా ఉంటే.. 36 రోజుల వ్య‌వ‌ధిలో రెండు వేర్వేరు ఓటీటీ వేదిక‌ల్లో త‌న కొత్త చిత్రాల‌తో సంద‌డి చేయ‌నున్నాడు ధ‌నుష్. ఆ వివ‌రాల్లోకి వెళితే.. గ‌త నెల 9న `క‌ర్ణ‌న్`గా థియేట‌ర్స్ లో ప‌ల‌క‌రించి ఘ‌న‌విజ‌యం అందుకున్న ధ‌నుష్.. త్వ‌ర‌లో ఇదే చిత్రంతో ఓటీటీలో అల‌రించ‌నున్నాడు. ప్ర‌ముఖ ఓటీటీ వేదిక అమెజాన్ ప్రైమ్ లో ఈ నెల 14 నుంచి `క‌ర్ణ‌న్` స్ట్రీమ్ కానుంది. క‌ట్ చేస్తే.. జూన్ 18న నెట్ ఫ్లిక్స్ లో మ‌రో సినిమాతో సంద‌డి చేయ‌నున్నాడు ధ‌నుష్. ఆ చిత్ర‌మే `జ‌గమే తందిర‌మ్`.  `క‌ర్ణ‌న్` మాదిరిగా కాకుండా `జ‌గ‌మే తందిర‌మ్` నేరుగా ఓటీటీలోనే రిలీజ్ కానుండ‌డం విశేషం. మ‌రి.. 36 రోజుల గ్యాప్ లో స్ట్రీమ్ కానున్న ఈ రెండు ధ‌నుష్ చిత్రాలు ఏ స్థాయి వీక్ష‌కాద‌ర‌ణ పొందుతాయో చూడాలి.

`క‌ర్ణన్`ని మారి సెల్వ‌రాజ్ డైరెక్ట్ చేయగా.. `జ‌గ‌మే తందిర‌మ్`ని కార్తిక్ సుబ్బ‌రాజ్ రూపొందించాడు. ఈ రెండు సినిమాలు కూడా యాక్ష‌న్ థ్రిల్ల‌ర్సే కావ‌డం మ‌రో విశేషం.