 |
 |
వెంకటేశ్-తమన్నా, వరుణ్ తేజ్-మెహ్రీన్ జంటలుగా అనిల్ రావిపూడి రూపొందించిన ఎఫ్ 2 మూవీ 2019 సంక్రాంతికి విడుదలై బాక్సాఫీస్ దగ్గర బ్లాక్బస్టర్ హిట్టయింది. ఫన్ అండ్ ఫ్రస్ట్రేషన్ ట్యాగ్లైన్తో దిల్ రాజు ఆ చిత్రాన్ని నిర్మించారు. ఇప్పుడు సేమ్ కాంబినేషన్తో ఎఫ్ 3 మూవీ గురువారం శ్రీ వేంకటేశ్వరా క్రియేషన్స్ కార్యాలయంలో లాంఛనంగా ప్రారంభమైంది.
వరుణ్ తేజ్, తమన్నాలపై చిత్రీకరించిన ముహూర్తపు సన్నివేశానికి గీతా ఆర్ట్స్ అధినేత అల్లు అరవింద్ క్లాప్ కొట్టగా, ఫైనాన్షియర్ ప్రసాద్ కెమెరా స్విచ్చాన్ చేశారు. దీనికి దిల్ రాజు గౌరవ దర్శకత్వం వహించడం గమనార్హం.
ఈ సందర్భంగా చిత్ర నిర్మాతలు దిల్రాజు, శిరీష్ మాట్లాడుతూ, ‘‘మా బ్యానర్లో 2019 సంక్రాంతికి విడుదలైన ‘ఎఫ్ 2’ నవ్వుల జల్లులో ప్రేక్షకులను ముంచెత్తి ఎంత పెద్ద హిట్ అయ్యిందో మీ అందరికీ తెలిసిందే. అన్నీ కుదిరితే సీక్వెల్గా ‘ఎఫ్ 3’ సినిమాను రూపొందిస్తామని అప్పుడే చెప్పాం. అప్పటి నుండి డైరెక్టర్ అనీల్ రావిపూడి ‘ఎఫ్ 3’ కోసం కథను సిద్ధం చేసే పనిలో పడ్డారు. ‘ఎఫ్ 2’ ప్రేక్షకులను ఎలా నవ్వించిందో.. దానికి మోర్ ఫన్ యాడ్ చేసి ‘ఎఫ్ 3’ కథను సిద్ధం చేశాడు. విక్టరీ వెంకటేశ్, మెగా ప్రిన్స్ వరుణ్ తేజ్, మిల్కీబ్యూటీ తమన్నా, మెహ్రీన్ ల కాంబినేషన్ మరోసారి ప్రేక్షకులను మరింత ఎంటర్టైన్ చేయడానికి రాబోతోంది. డిసెంబర్ 23 నుండి రెగ్యులర్ షూటింగ్ జరుపుతాం’’ అన్నారు.
డైరెక్టర్ అనిల్ రావిపూడి మాట్లాడుతూ - ‘‘ఫన్ అండ్ ఫ్రస్టేషన్ కాంబినేషన్ను వెంకటేశ్-తమన్నా, వరుణ్తేజ్-మెహ్రీన్ జోడీ కాంబినేషన్తో హిలేరియస్ ఎంటర్టైనర్గా మార్చి తెరకెక్కించిన 'ఎఫ్ 2' బ్లాక్బస్టర్ హిట్ అయ్యింది. ఇప్పుడు మోర్ ఫన్ను యాడ్ చేసి 'ఎఫ్ 3' చిత్రాన్ని రూపొందిస్తున్నాం. అద్భుతమైన కథ కుదిరింది. మరోసారి విక్టరీ వెంకటేశ్గారు, వరుణ్ తేజ్గారు, తమన్నా, మెహ్రీన్ జంటలు మిమ్మల్ని నవ్వుల్లో ముంచెత్తుతారు. శ్రీ వెంకటేశ్వర క్రియేషన్స్ బ్యానర్లో మరోసారి వర్క్ చేయడం ఎంతో హ్యాపీగా ఉంది’’ అన్నారు.
సాంకేతిక బృందం:
రచన, దర్శకత్వం: అనిల్ రావిపూడి
సమర్పణ: దిల్ రాజు
నిర్మాత: శిరీష్
సహ నిర్మాత: హర్షిత్ రెడ్డి
సంగీతం: దేవిశ్రీ ప్రసాద్
రచనా సహకారం: ఎస్.కృష్ణ
సినిమాటోగ్రఫీ: సాయి శ్రీరామ్
ఆర్ట్: ఎ.ఎస్. ప్రకాశ్
ఎడిటింగ్: తమ్మిరాజు
అడిషనల్ స్క్రీన్ప్లే: ఆది నారాయణ, నారా ప్రవీణ్
|
|
