అక్కినేని నాగచైతన్య సరసన 'సాహసం శ్వాసగా సాగిపో'లో నటించిన మంజిమా మోహన్ గుర్తుందా?  హీరోయిన్‌గా ఆమెకు అదే తొలి సినిమా. ఆమె ప్రముఖ మలయాళ సినిమాటోగ్రాఫర్ విపిన్ మోహన్ కుమార్తె. త్వరలో డైరెక్షన్ చేయడానికి ఆమె రెడీ అవుతోంది. ప్రజెంట్ ఓ స్క్రిప్ట్‌కి క్లైమాక్స్ రాసే పనిలో బిజీగా ఉంది.

"నాన్న కొన్నేళ్ల క్రితం ఓ కథ రాశారు. దానికి క్లైమాక్స్ రాయమని నన్ను అడిగారు. ప్రస్తుతం ఆ పనిలో ఉన్నాను. ఒకవేళ నాన్న బిజీగా ఉండి, ఆ కథను డైరెక్ట్ చేయలేకపోతే... నేను తొలిసారి మెగాఫోన్ పట్టుకోవాలని అనుకుంటున్నాను. డైరెక్షన్ చేయాలని ఉంది" అని లేటెస్ట్ ఇంటర్వ్యూలో మంజిమా మోహన్ పేర్కొన్నారు.

గౌతమ్ మీనన్ దర్శకత్వంలో 'సాహసం శ్వాసగా సాగిపో' తరవాత తెలుగులో కథానాయికగా మంజిమా మోహన్ మరో సినిమా చేయలేదు. 'యన్.టి.ఆర్' బయోపిక్‌లో అతిథి పాత్రలో కనిపించారు. తమిళ, మలయాళ భాషల్లో సినిమాలు చేస్తున్నారు.