టాలీవుడ్‌లోని టాప్ హీరోయిన్ల‌లో స‌మంత అక్కినేని ఒక‌రు. ఆక‌ర్ష‌ణీయ‌మైన రూపం, స‌హ‌జ‌సిద్ధ‌మైన ప్ర‌తిభ‌తో సెల్ఫ్ మేడ్ స్టార్‌గా భారీ ఫ్యాన్ ఫాలోయింగ్‌ను ఆమె ఎంజాయ్ చేస్తున్నారు. జూలై 25న ఇన్‌స్టాగ్రామ్‌లో 11 మిలియ‌న్ ఫాలోయ‌ర్స్‌ను క్రాస్ చేసిన స‌ద‌ర‌న్ బ్యూటీస్‌లో ఒక‌రిగా నిలిచారు స‌మంత‌. ఈ సంద‌ర్భంగా త‌న ఫ్యాన్స్‌కు, శ్రేయోభిలాషుల‌కు ఆమె థాంక్స్ చెప్పారు. ఇండ‌స్ట్రీలోకి వ‌చ్చి ప‌దేళ్లు గ‌డిచి, ప‌ద‌కొండో ఏడు న‌డుస్తుండ‌గా, 11 మిలియ‌న్ల మంది ఫాలోయ‌ర్స్‌ను సంపాదించుకున్న‌ట్లు వీడియో కంపైలేష‌న్‌లో ఆమె చూపించారు.

అయితే టాలీవుడ్ హీరోయిన్ల‌కు సంబంధించి ఇన్‌స్టాగ్రామ్‌లో ఆమె కంటే ముందు 11 మిలియ‌న్ ఫాలోయ‌ర్స్‌ను సంపాదించుకున్న తార‌లు ఒక‌రిద్ద‌రు కాదు.. ఐదుగురున్నారు. అంటే ఇన్‌స్టాగ్రామ్ ఫాలోయ‌ర్స్ విష‌యంలో స‌మంత ఆరో స్థానంలో ఉన్నారు. ఫ‌స్ట్ ప్లేస్‌లో ఉన్న‌దెవ‌రో తెలుసా?  కెరీర్ ప‌రంగా ప్ర‌స్తుతం డౌన్ స్టేజ్‌లో ఉన్న ర‌కుల్‌ప్రీత్ సింగ్‌! అవును. ఇన్‌స్టాగ్రామ్‌లో ఆమెది టాప్ ప్లేస్ కాగా, సెకండ్ ప్లేస్‌లో కాజ‌ల్ అగ‌ర్వాల్ ఉన్నారు. నేటి నంబ‌ర్‌వ‌న్ హీరోయిన్ పూజా హెగ్డే ఫోర్త్ ప్లేస్‌లో ఉండ‌టం గ‌మ‌నార్హం. ఒక్క‌సారి ఆ లిస్ట్ వంక చూపు సారిస్తే...

1. ర‌కుల్‌ప్రీత్ సింగ్ - 14.9 మిలియ‌న్‌
2. కాజ‌ల్ అగ‌ర్వాల్ - 14.7 మిలియ‌న్‌
3. శ్రుతి హాస‌న్ - 14.4 మిలియ‌న్‌
4. పూజా హెగ్డే - 11.2 మిలియ‌న్‌
5. త‌మ‌న్నా భాటియా - 11.1 మిలియ‌న్‌
6. స‌మంత - 11 మిలియ‌న్‌
7. అనుప‌మ ప‌ర‌మేశ్వ‌ర‌న్ - 7.1 మిలియ‌న్‌
8. కీర్తి సురేశ్ - 5.8 మిలియ‌న్‌
9. రాశీ ఖ‌న్నా - 5.2 మిలియ‌న్‌
10. నివేదా థామ‌స్ - 3.9 మిలియ‌న్‌