కథానాయికగా కమల్‌హాసన్‌ పెద్ద కుమార్తె శ్రుతీ హాసన్‌ది కమర్షియల్‌ రూటు అయితే... చిన్న కుమార్తె అక్షరది సపరేట్‌ రూటు. చిన్న వయసులో ప్రెగ్నెంట్‌ లేడీగా నటించడానికి వెనుకాడని వ్యక్తిత్వం. తెలుగులో అక్షరా హాసన్‌ సినిమాలు చేయలేదు. తమిళం, హిందీ భాషలలో చేశారు. ఆమె మేకప్‌మ్యాన్‌ సచిన్‌ దాదా కరోనాతో మృతి చెందాడు. బరువెక్కిన హృదయంతో ఈ విషయాన్ని అక్షరా హాసన్‌ సోషల్‌ మీడియాలో పోస్ట్‌ చేశారు.

‘‘కరోనా మహమ్మారి వలన చాలామందిని కోల్పోయాం. ‘షమితాబ్‌’ నుంచి నా మేకప్‌మ్యాన్‌గా చేస్తున్న, నాకు బ్రదర్‌లాంటి సచిన్‌ దాదా ఈ రోజు కరోనాతో లోకాన్ని విడిచాడు. ఎప్పుడూ హ్యాపీగా, పాజిటివ్‌గా ఉండే తనతో నేను ప్రాంక్స్‌ ప్లే చేసేదాన్ని. చాలా టాలెంటెడ్‌ పర్సన్‌. అన్నిటి కంటే ముఖ్యంగా నాకు గొప్ప స్నేహితుడు. ఇద్దరు కుమారులకు అతడు అమేజింగ్‌ ఫాదర్‌. తన వైఫ్‌కి అమేజింగ్‌ హజ్బెండ్‌. అతని ఆత్మకు శాంతి కలగాలని కోరుకుంటున్నా’’ అని అక్షరా హాసన్‌ పోస్ట్‌ చేశారు. ఈ సందర్భంగా ప్రజల ప్రాణాలు రక్షించడానికి ప్రయత్నిస్తున్న వైద్యులకు ఆమె కృతజ్ఞతలు తెలిపారు.