అఫీషియల్.. 'తండేల్' రిలీజ్ డేట్ ఇదే!

on Nov 5, 2024

'ప్రేమమ్', 'సవ్యసాచి' తర్వాత నాగచైతన్య, చందు మొండేటి కాంబినేషన్ లో రూపొందుతోన్న మూవీ 'తండేల్'. అల్లు అరవింద్ సమర్పణలో గీతా ఆర్ట్స్ బ్యానర్ పై బన్నీ వాసు నిర్మిస్తున్న ఈ సినిమాలో సాయి పల్లవి కథానాయిక. వాస్తవ సంఘటనల ఆధారంగా రూపొందుతోన్న 'తండేల్'పై మంచి అంచనాలే ఉన్నాయి. తాజాగా ఈ చిత్ర విడుదల తేదీని ప్రకటించారు మేకర్స్. (Thandel On Feb 7th)

'తండేల్'ని డిసెంబర్ లో విడుదల చేయాలని మేకర్స్ భావించారు. ఆ తర్వాత సంక్రాంతికి విడుదల కానుందని ప్రచారం జరిగింది. అయితే ఇవేవి కాకుండా కొత్త రిలీజ్ డేట్ ని మేకర్స్ అనౌన్స్ చేశారు. తాజాగా భారీ ప్రెస్ మీట్ నిర్వహించి, ఫిబ్రవరి 7న ఈ సినిమాని విడుదల చేయనున్నట్లు మేకర్స్ తెలిపారు. వాలెంటైన్స్ డే కి వారం ముందు వస్తున్న ఈ సినిమా ఎలాంటి మ్యాజిక్ చేస్తుందో చూడాలి.