ప్రశాంత్‌ నీల్‌ సినిమాలో ఎన్టీఆర్‌తోపాటు మరో స్టార్‌ హీరో.. ఆ ఛాన్స్‌ ఎవరిది?
on Nov 11, 2024
రామ్‌చరణ్‌తో కలిసి ఎన్టీఆర్ చేసిన ఆర్‌ఆర్‌ఆర్‌ ఎంతటి సంచలన విజయాన్ని అందుకుందో అందరికీ తెలిసిందే. అరవింద సమేత తర్వాత సోలో హీరోగా చేసిన దేవర ఇటీవల పాన్‌ ఇండియా రేంజ్‌లో విడుదలై ఘనవిజయం సాధించింది. ఈ సినిమా పూర్తి చేసిన వెంటనే బాలీవుడ్‌ మూవీ వార్‌2 సెట్స్‌కి వెళ్లిపోయారు ఎన్టీఆర్. ఈ సినిమా షూటింగ్‌ శరవేగంగా జరుగుతోంది. ఎన్టీఆర్‌కి సంబంధించిన పోర్షన్‌ త్వరలోనే పూర్తవుతుందని తెలుస్తోంది. దీని తర్వాత ప్రశాంత్‌ నీల్‌ కాంబినేషన్‌లో చేసే సినిమా షూటింగ్‌కి షిఫ్ట్‌ అవుతారు ఎన్టీఆర్. ఇప్పటికే ఈ సినిమా షూటింగ్‌ స్టార్ట్‌ చేసేశారు ప్రశాంత్‌. మైత్రి మూవీ మేకర్స్‌ సంస్థ ఈ సినిమాను భారీ బడ్జెట్‌తో నిర్మిస్తోంది.
ఒక మాఫియా డాన్‌ లైఫ్‌ స్టోరీ ఇన్‌స్పిరేషన్‌గా ప్రశాంత్‌ ఈ కథను తీసుకున్నారు. ప్రశాంత్‌ నీల్‌ సినిమాల్లో హీరో క్యారెక్టర్‌ ఎంత పవర్‌ఫుల్‌గా ఉంటుందో తెలిసిందే. ఈ సినిమాలో కూడా అదే తరహాలో హీరో క్యారెక్టర్‌ ఉంటుందని తెలుస్తోంది. ఎన్టీఆర్‌కి జోడీగా రుక్మిణీ వసంత్‌ పేరును పరిశీలిస్తున్నారని టాక్‌. ఇప్పటివరకు బయటకు రాని ఒక విషయం సోషల్‌ మీడియాలో చక్కర్లు కొడుతోంది. ఈ సినిమాలో ఎన్టీఆర్‌తోపాటు మరో హీరో కూడా కనిపిస్తారన్న ఆ న్యూస్‌. ఎన్టీఆర్‌తోపాటు మరో క్యారెక్టర్‌కు కూడా ఈ కథలో ఇంపార్టెన్స్‌ ఉంటుందట. అయితే ఆ క్యారెక్టర్‌ను ఏ హీరోతో చేయించాలి అనే విషయం గురించి ప్రశాంత్‌ ఆలోచిస్తున్నారని సమాచారం. ఇది ఎన్టీఆర్ సోలో హీరో సినిమా అయినప్పటికీ ఒక సపోర్టింగ్‌ క్యారెక్టర్‌ ఉంటుంది. ఆ క్యారెక్టర్‌లో ఎవరు నటిస్తారు అనేది ఇంకా డిసైడ్‌ అవ్వలేదు. ప్రస్తుతం ఎన్టీఆర్ పోర్షన్‌ మినహాయించి షూట్‌ చేస్తున్నారు ప్రశాంత్‌. సంక్రాంతి తర్వాత నాన్‌స్టాప్‌గా ఎన్టీఆర్ షూటింగ్‌లో పాల్గొంటారు.
Also Read
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
