బాలీవుడ్ బాద్షా షారుక్ ఖాన్ తో కోలీవుడ్ కెప్టెన్ అట్లీ కుమార్ ఓ భారీ బ‌డ్జెట్ మూవీని రూపొందిస్తున్న సంగ‌తి తెలిసిందే. లేడీ సూప‌ర్ స్టార్ నయ‌న‌తార బాలీవుడ్ డెబ్యూగా తెర‌కెక్కుతున్న ఈ క్రేజీ ప్రాజెక్ట్ లో
ప్రియ‌మ‌ణి, సాన్యా మ‌ల్హోత్రా, యోగిబాబు ఇత‌ర ముఖ్య పాత్ర‌ల్లో న‌టిస్తున్నారు. స్వ‌ర‌మాంత్రికుడు ఎ.ఆర్. రెహ‌మాన్ బాణీలు అందిస్తున్న ఈ చిత్రానికి కోలీవుడ్ యంగ్ మ్యూజిక్ సెన్సేష‌న్ అనిరుధ్ నేప‌థ్య సంగీత‌మందించ‌నున్న‌ట్లు స‌మాచారం.

ఇదిలా ఉంటే.. ప్ర‌స్తుతం పూణెలో శ‌ర‌వేగంగా షూటింగ్ జ‌రుపుకుంటున్న ఈ చిత్రానికి సంబంధించి ఓ ఆస‌క్తిక‌ర‌మైన విష‌యం వెలుగులోకి వ‌చ్చింది. అదేమిటంటే.. ఈ సినిమా రివెంజ్ డ్రామా నేప‌థ్యంలో
సాగుతుంద‌ట‌. అంతేకాదు.. దొంగ‌త‌నం చుట్టూ అల్లుకున్న స‌న్నివేశాలు చిత్రానికి ప్ర‌ధాన ఆక‌ర్ష‌ణ కానున్నాయ‌ని వినికిడి. మ‌రి.. ఈ ప్ర‌చారంలో వాస్త‌వ‌మెంతో తెలియాలంటే కొన్నాళ్ళు వేచిచూడాల్సిందే.

కాగా, హిందీతో పాటు త‌మిళ‌, తెలుగు భాష‌ల్లో ఏకకాలంలో విడుద‌ల కానున్న ఈ క్రేజీ ప్రాజెక్ట్.. 2022 ద్వితీయార్ధంలో థియేట‌ర్స్ లో సంద‌డి చేయ‌నుంద‌ని బ‌జ్.