బన్నీ సంచలనం.. హిందీలో వంద కోట్ల మార్క్ దాటిన 'పుష్ప'!
on Jan 31, 2022
అల్లు అర్జున్, రష్మిక మందన్న జంటగా సుకుమార్ దర్శకత్వంలో రూపొందిన పాన్ ఇండియా మూవీ 'పుష్ప ది రైజ్'. ఈ మూవీ హిందీలో అందరి అంచనాలను తలకిందులు చేస్తూ కలెక్షన్ల వర్షం కురిపించింది. తాజాగా హిందీలో వంద కోట్ల మార్క్ ని అందుకొని సంచలనం సృష్టించింది.
పుష్ప మూవీపై తెలుగులో మొదటి నుంచి భారీ అంచనాలు ఉన్నాయి. అయితే పాన్ ఇండియా మూవీగా రూపొందిన పుష్పని సరైన ప్రమోషన్ చేయకపోవడంతో.. హిందీలో మాత్రం పది కోట్లు కలెక్ట్ చేస్తే గొప్పని భావించారంతా. కానీ డిసెంబర్ 17 న థియేటర్స్ లో విడుదలైన పుష్ప అందరి అంచనాలను తలకిందులు చేస్తూ హిందీలో సత్తా చాటింది. హిందీ స్ట్రయిట్ సినిమాలు సైతం పుష్పతో పోటీ పడలేకపోయాయి. మరోవైపు సినీ, క్రికెట్ స్టార్స్ సైతం పుష్ప మేనియాలో పడిపోయారు. 'తగ్గేదేలే' అంటూ డైలాగ్ లు, 'శ్రీవల్లి' అంటూ స్టెప్పులతో బన్నీని ఇమిటేట్ చేస్తూ సందడి చేశారు. దీంతో బాక్సాఫీస్ దగ్గర పుష్ప కలెక్షన్ల సునామీ సృష్టించింది.
పుష్ప హిందీ వెర్షన్ తాజాగా వంద కోట్ల మార్క్ దాటింది. ఇప్పటిదాకా పుష్ప రూ.100.28 కోట్ల నెట్ కలెక్ట్ చేసింది. హిందీలో పుష్ప ఇప్పటిదాకా 125 కోట్ల గ్రాస్, 47 కోట్ల షేర్ రాబట్టడం విశేషం. పుష్పతో హిందీలో వంద కోట్ల మార్క్ ని దాటి బన్నీ సంచలనం సృష్టించడంతో.. ఆయన ఫ్యాన్స్ సంతోషం వ్యక్తం చేస్తున్నారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
