నిరీక్షణ

  నిరీక్షణ తీరంలో నీకోసం వచ్చి ఉన్నా, అలలా వచ్చి నన్ను చేరుతావని, వేగంగా ముందుకు వచ్చి ఊరించావు నిన్ను అందుకొనేలోగ చేజారిపోయావ్, ఏమని వర్ణించను ఈ బాధని ఎలా చెప్పగలను నా ఎదకు నువ్వు ఇక రావని...  

ముగ్ధ మందారం

    ముగ్ధ మందారం మధురమైన జ్ఞాపకం నీ పరిచయం, మధురానుభూతుల నిలయం నీ హృదయం, మౌనమునిని కూడా కలిచివేయు నీ అందం మనసులో నీ ప్రతిమ తప్పవేరే రూపమే కరువైంది ఈ దినం సాయంకాలం ఉషాకిరణం నీ తనువునే మరపిస్తుంది ఉదయమంచు తుంపర, నీకోసం తపిస్తుంది కవుల మదిలో నిల్చిపోయిన ఎర్రమందారమా నా మనసులో నిండుగా ఉన్న ముగ్ధమందారమా ప్రియరాగాలు పలికించే వీణామృత తృష్ణ సరిగమలు ఒలికించే సాగరతీర దృష్ణ నిత్య వింజామర పవనం నీకోసం తపిస్తుంది అందుకేనేమో నా ప్రేమ మనసు మందారంలా ఎదురుచూస్తుంది          - ఒ.వి.సురేష్‌

చిరునామా లేని తీరాలు

తిరిగి వెళ్ళిపోకు

తోడుగా పయనిద్దాం

నాకెంతో ఇష్టం...

అజ్ఞానం

  అజ్ఞానం     నువ్వు శంఖానివి కనుక నీలోపోసిన నీరు తీర్ధమౌతోంది నేను శిలను కనుక, నా క్రిందన నీరున్నా ఇది వ్యర్థమౌతోంది. నీలో పోసిన నీటిని దోసిటిలో పట్టి మరీ త్రాగుతున్నారు నా క్రిందున్న నీటిలో దోషాలెంచుతున్నారు మహిమ అనేది మనసులోనే ఉంటుంది కానీ, మనలో ఉండదని తెలియని అజ్ఞానులు వీళ్ళు అందుకే నీకు జంకుతున్నారు, నన్ను శంకిస్తున్నారు పూజ పోజు కాకూడదు, మడి ముడి అవకూడదు   - బి.ఎస్‌.నాగరాజారావు    

మోస పోయిన హృదయం

    మోస పోయిన హృదయం   ప్రేమించే హృదయాన్ని ఎంత బాధ పెట్టినా... అది ప్రేమించక మరువదు...!! కానీ ఆ హృదయాన్ని మోసం చేస్తే... మోసపోయిన హృదయం... మళ్లీ ఎవ్వరినీ ప్రేమించదు.  

మరచెంబు

    మరచెంబు మరచెంబు గురించి మనకే పొరలు పొరలుగా గుర్తుందిగానీ మన తర్వాతి తరంవాళ్లకు మాత్రం మచ్చుకైనా గుర్తుండదేమో మరి పెళ్ళి సంబరాల్లోని అల్లుడి అలక అధ్యాయంలో మరచెంబుదే ముఖ్యపాత్రయినా భానుమతిరాసిన అత్తగారికథల్లో మొత్తం కనిపించేది మరచెంబే వడుగునాటి మరచెంబు కాశీయాత్రకు బయల్దేరుతుందిగానీ విహారయాత్రల్లో మాత్రం విరివిగా పనికొచ్చేది పాత్రలు పలురకాలుగా వాడుతున్నారుగానీ పనికొచ్చే మరచెంబులాంటివి తక్కువే మరి అందంగా కన్పించి మురిపించే మరచెంబు ఆప్యాయతగా పలకరిస్తుంది గానీ ఆత్మీయతా అనురాగాలెవరిక్కావాలి అడ్డమైన నీటిని అందమైన బాటిల్స్‌లో కొంటాంగానీ  నామోషీకల్గించే మరచెంబు లెవరిక్కావాలి పుత్తడిలాకన్పించే ఇత్తడి మరచెంబుల స్థానాన్ని స్టీల్‌ చెంబులాక్రమించుకున్నాయి గానీ రాన్రానూ అవీ మాయమైపోతున్నాయి ప్లాస్టిక్‌లో కన్పించినా ప్రాణం కుదుటపడేదిగానీ పట్టించుకునేవాళ్లేరి!!! పెద్ద మనుషుల చిన్నకోరికలు గూడా అవహేళనతో అంతరించిపోతున్నాయీ... అర్ధం చేసుకోలేక అలాగే మిగిలిపోతున్నాయి - కన్నోజు లక్ష్మీకాంతం సాహితీ కిరణం మాసపత్రిక సౌజన్యంతో    

నవ్వు నవ్వించు

    నవ్వు నవ్వించు     నవ్వాలి నవ్వాలి నవ్వించాలి చిన్నారి పాపోలె నవ్వాలి పొన్నారి పాపోలె నవ్వించాలి గలగలపారే సెలయేరులా కిలకిలనవ్వాలి కడుపుబ్బేలా కిలకిలనవ్వాలి పకపకనవ్వించాలి భాష్పాలు రాలేలా    పకపక నవ్వించాలి నవ్వితే రాలు నవరతనాలు నవ్విస్తే రావు ఏ కలహాలు నవ్వుతూ నవ్విస్తుంటే శ్రీమతినెపుడు      సిరులు యింటకురియు రాశురాశులుగా నవ్వితే దొరికేది ప్రశాంతచిత్తము నవ్విస్తే దొరికేది స్నేహహస్తము నవ్వుల్లో బ్రతకాలి నిండుగ   నవ్విస్తూ ఎదగాలిమెండుగా నవ్వుతు నడవాలి ముందుకు నవ్విస్తూ మెలగాలి అందుకు నవ్వుకుంటు నీలో నీవెమెల్లగా నవ్వించు నలుగురు నినుమెచ్చగా   - చక్రధరరాజు  

తెలుగమ్మాయి

    తెలుగమ్మాయి యతుల జతుల అలజడుల గొదారి గలగలల తెలుగమ్మాయి అది తెలుగమ్మాయి నిండుదనం  సంప్రదాయం తెలుగమ్మాయి అది తెలుగమ్మాయి బంధాల బాద్యతల నడుమున ఒదిగిన తెలుగమ్మాయి అది తెలుగమ్మాయి మామిడి పిందిలోని  ఒగరు మల్లెపూవులోని సోయగమ్ ఆమెకి సోంతం తెలుగమ్మాయి అది తెలుగమ్మాయి తళుకుమనే తారల కన్నుకుట్టి నేలలోని జాబిలివి నువ్వంటూ నీ చెంత చేరతామంటు తెలుగమ్మాయి అది తెలుగమ్మాయి బాపూ బొమ్మ ఆరణాల అందగత్తె పదగారణాల పడుచుపిల్ల తెలుగమ్మాయి అది తెలుగమ్మాయి - manoharaboga    

సిగ్గుపడుతుంటాను

  సిగ్గుపడుతుంటాను     లక్షలాది పసిమొగ్గలు దించిన తల ఎత్తుకోలేక ఖాళీ వాటర్‌ ప్యాకెట్లకోసం తాగి విసిరేసిన బాటిళ్ళకోసం నేలబారు పురుగుల్లా రోడ్డంతా పాకుతుంటే తలెగరేసి రెపరెపలాడే జెండాకేసి చూస్తుంటాను! పట్టపగలు నడిరోడ్లో విరిసీ విరియని పూలని ప్రేమ పేరుతో పెళ్ళిపేరుతో కసాయి కత్తులు రక్తస్నానం చేయించి రాజుల్లా వెళ్లిపోతుంటే పేరేడ్‌గ్రౌండ్‌లో పోలీసు కవాతును వీక్షిస్తుంటాను! ఎన్నికల పేరుతో ఎన్నెన్నో కలలు చూపి ఎమ్మెల్యేలు ఎంపీలు మంత్రులై కామస్వాములై ప్రజల చెమటచుక్కల్ని దోచుకుంటుంటే పత్రికలనిండా పేరుకున్న వార్తల్ని చదువుతుంటాను! బందులు సమ్మెలు ధిక్కరణలు దిష్టిబొమ్మలతో హక్కులకోసం గుప్పెడు నీళ్ళకోసం గూళ్ళకోసం రాష్ట్రాలకు రాష్ట్రాలు రావణకాష్టమై రగులుతుంటే ఇంతకింతలు చేసి చూపే మీడియాను తిలకిస్తుంటాను! దుక్కిదున్ని చదునుచేసి నారుపోసి, నీరు పోసి రాత్రింబవళ్ళు కాపలా కాసి కోత కోసిన పంటని గుడ్డిగవ్వలకమ్మలేక కుప్పముందు రైతన్న కూలిపోతుంటే రాజ్యాంగాన్ని తెరచి చదవలేక సిగ్గుపడుతుంటాను! - గుర్రాల రమణయ్య సాహితీ కిరణం మాసపత్రిక సౌజన్యంతో  

మధురాష్టకము

ఆత్మబంధువు

    ఆత్మబంధువు     చేతికర్రేకదా అని చేవలేదనుకోకు నిలువనీడనిచ్చి ఆసరానిస్తుంది నిలువెల్లా.. రాగాలు, అనురాగాలు పలికిస్తుంది చట్టం చేతిలాఠీకర్ర అన్యాయాన్ని ఎదిరిస్తే... బాపూజీ చేతికర్ర తెల్లవారిని తరిమింది. అంధులకు కరదీపికై నడిపిస్తుంది వికలాంగులకు చైతన్యహస్తం మలిసంధ్యలో తన వారు దూరమైనవేళ ఆత్మబంధువై స్పర్శిస్తుంది.. కష్టజీవికి వెన్నుదన్నుగా నిలిచి కలిమిలేములు మోసే కావడి అవుతుంది కృష్ణుని చేతి వేణువై బృందావనిలో రాగాలు పలికిస్తే... రాముని చేతిధనువు కదనంలో శత్రుమూకను మట్టుపెట్టింది... అపరాత్రి ఆయుధమవుతుంది పూలతీగకు చల్లని పందిరివేస్తుంది దేవక్రతుకు సమిధై, యాగఫలం అందిస్తుంది... జాతీయ జెండాను మోసే వీరజవానవుతుంది ఇంతితై వటవృక్షమై వన్యప్రాణులను సేద తీరుస్తుంది సాయుధపోరాటంలో వీరునిచేతి కాగడాయై దేవుని ముందు దివిటియై శాంతిగీతమాలపిస్తుంది ఈకట్టెకు.. ఆ కట్టెకు విడదీయని బంధమై అంత్యకాలంలో మోక్షమిస్తుంది జీవంలేనికర్ర మనిషి జీవితానికి తోడునీడైతే జీవమున్న మనం... నీడనిచ్చే పచ్చదనాన్ని నాశనం చేయకుండా, ప్రకృతిని రక్షిద్దాం... - ములుగు లక్ష్మీమైథిలి సాహితీ కిరణం మాసపత్రిక సౌజన్యంతో  

’బలి‘దానం

మిట్టమధ్యాహ్న పౌర్ణమి

స్నేహ మకరందం

   స్నేహ మకరందం   మనసనే మల్లెకు మధురిమనే స్నేహం చిరునవ్వులతో ఆణిముత్యాల సరాగాలై వర్షించి హర్షించేదే స్నేహమనే మాధుర్య మకరందం మెరుపులా మెరిసి స్వాతిచినుకులై కురిసేది స్నేహం ముగ్ధమనోహరం రసానంద జీవన మకరంద సౌరభం కష్టసుఖాలలో కలిమిలేములలో కలిసివుండేదే నిజమైన స్నేహం విరించి, వరించి వర్షించే స్వరరాగాల ఆలాపనే తియ్యని స్నేహం జాబిలికి కలువే ప్రియనేస్తమంట, వెన్నెలకు తారలే జిలుగంట నిరాశనీడల్లో ఆశాలతయై అల్లుకునేదే స్నేహం మంచులా కరిగి మానవత్వపు విలువలు పెంచేదే స్నేహం సృష్టిలో తీయనిది, మాయనిది స్నేహం మధురము స్నేహం మనసును అమృతవృష్టిగా చేసేదే స్నేహానందము మనసనే మరాళాన్ని, నడిపించేదే స్నేహ పరిమళం ప్రేయసిప్రేమలో స్నేహమున్నది,  ప్రియుని మదిలో తీయని అనురాగముంది నిండుసభలో, ఆపదలో 'అన్న' అని ఆర్తితో పిలిచిన ద్రౌపదిని ఆదుకున్న శ్రీకృష్ణుని, దయనే స్నేహమనే అద్వితీయం కృష్ణా అనే పలుకులో కృప ఉన్నది,  మాధవా అనే పలుకులో మాధుర్యం ఉన్నది పిల్లనగ్రోవి పిలుపులో, గోపికల హృదయాలను దోచే మాధువుని  మాధుర్య మకరందమే తీయని స్నేహం, రాధహృదయంలో రవళించు అనురాగమే మాధవు మధురామృతం గీతామకరందాన్ని బోధించిన కృష్ణుని లీలలే బ్రతుకుకు అర్ధంచెప్పే నిజమైన స్నేహతత్వం. భక్తితో కుచేలుడు ఇచ్చిన పిడికెడు అటుకులకు మెచ్చి సిరినిచ్చిన కృష్ణుని అనురాగమే నిజమైన స్నేహధర్మము స్నేహదీపాలు వెలిగించు, కనులలో కోటి కాంతులను కురిపించు  మనసును మైమరపించేదే నిజమైన స్నేహ మకరందం   - గంగాపురం విజయరమణ సాహితీ కిరణం మాసపత్రిక సౌజన్యంతో  

మె‘దడా’

తెగిపడిన ఓ జ్ఞాపకం

  తెగిపడిన ఓ జ్ఞాపకం   కన్నీటి సంద్రం లో ఈదుతూనే వున్నాను ప్రతి నిత్యం నిను తలుస్తూ !! నిశ్శబ్దం గా రాలిపడిన కొన్ని జ్ఞాపకాలు గుండె ను తడి చేస్తుంటాయి మౌనం నా నరాల్లో ప్రవహిస్తుంది మాట కొమ్మకు వేలాడుతూ!! కాలం లో నేను గడ్డ కట్టి పోయాను తవ్వుకుంటూ నన్ను నేను ... నూరు సార్లు తెగిన ప్రేమ అతుక్కుంటుంది ఎక్కడో ఒకచోట... !! - పుష్యమి సాగర్ సాహితీ కిరణం మాసపత్రిక సౌజన్యంతో

ఒంటరితనం ఒక అద్భుతవరం

   ఒంటరితనం ఒక అద్భుతవరం     భవ బంధాలు తెంచి భగవంతుని చేరే సంధికాలమే ఒంటరితనం నిజంగా ఒంటరితనం ఒక అద్భుతవరం శరత్‌పున్నమినాడు చందమామ నేస్తమైతే ఆమని కోకిల పాట నిద్రలో ముంచేస్తే బంధువులతో పనియేమి? బంధాలతో చిక్కేమి? అందుకే మరి ఒంటరితనం ఒక అద్భుతవరం పలకరించేవారు లేకపోతే మన పలుకు పలుకుకు దైవంతోడైతే మౌనవ్రతానికి కాలం అనువైతే ఒంటరితనం ఒక అద్భుతవరం             - ఆరుట్ల శ్రీదేవి సాహితీ కిరణం మాసపత్రిక సౌజన్యంతో