నవ్వు నవ్వించు
posted on Feb 3, 2015
నవ్వు నవ్వించు
నవ్వాలి నవ్వాలి నవ్వించాలి
చిన్నారి పాపోలె నవ్వాలి
పొన్నారి పాపోలె నవ్వించాలి
గలగలపారే సెలయేరులా
కిలకిలనవ్వాలి కడుపుబ్బేలా
కిలకిలనవ్వాలి
పకపకనవ్వించాలి భాష్పాలు రాలేలా
పకపక నవ్వించాలి
నవ్వితే రాలు నవరతనాలు
నవ్విస్తే రావు ఏ కలహాలు
నవ్వుతూ నవ్విస్తుంటే శ్రీమతినెపుడు
సిరులు యింటకురియు రాశురాశులుగా
నవ్వితే దొరికేది ప్రశాంతచిత్తము
నవ్విస్తే దొరికేది స్నేహహస్తము
నవ్వుల్లో బ్రతకాలి నిండుగ
నవ్విస్తూ ఎదగాలిమెండుగా
నవ్వుతు నడవాలి ముందుకు
నవ్విస్తూ మెలగాలి అందుకు
నవ్వుకుంటు నీలో నీవెమెల్లగా
నవ్వించు నలుగురు నినుమెచ్చగా
- చక్రధరరాజు