నోట్ల రద్దుపై ప్రతిపక్షాల విమర్శలు..చిరునవ్వులు చిందిస్తున్న మోడీ..

పెద్ద నోట్ల రద్దుపై రాజ్యసభలో చర్చ మొదలైన సంగతి తెలిసిందే. ప్రధాని నరేంద్ర మోడీ ఈరోజు రాజ్యసభకు రావడంతో నోట్ల రద్దుపై చర్చకు సభ అంగీకారం తెలపడంతో చర్చ ప్రారంభించారు. ఇక సభ ప్రారంభించిన వెంటనే ప్రతిపక్ష నేతలు కేంద్ర ప్రభుత్వం తీసుకున్న నిర్ణయంపై విమర్శలు గుప్పించే పనిలో పడ్డారు. రాజ్య‌స‌భ‌లో మాజీ ప్ర‌ధాన‌మంత్రి మ‌న్మోహ‌న్ సింగ్ పెద్ద‌నోట్ల ర‌ద్దుపై ప్రసంగించిన అనంతరం స‌మాజ్ వాదీ పార్టీ ఎంపీ న‌రేశ్ అగ‌ర్వాల్ ప్ర‌సంగిస్తూ మోదీ తీసుకున్న నిర్ణ‌యంతో ప్ర‌జ‌లు ఎన్నో ఇబ్బందులు ప‌డుతున్నార‌ని, న‌ల్ల‌ధనం ఎక్క‌డుందో చెప్పాల‌ని ప్ర‌శ్నించారు. ఇక ప్రతిపక్ష నేతలు విమర్శిస్తుండగా ప్రధాని మోడీ ఏం చేస్తున్నారో తెలుసా... వారి విమర్శలను వింటూ చిరున‌వ్వులు చిందిస్తూ కూర్చున్నారు. ఇక ఈ విషయంపై ఇత‌ర విప‌క్ష నేత‌లు ప్ర‌సంగిస్తున్నారు. వారి విమ‌ర్శల‌న్నింటికీ స‌మాధానం చెప్ప‌డానికి సిద్ధంగా ఉన్న మోదీ.. వారు చెబుతున్న అంశాల్ని ఎంతో శ్ర‌ద్ధ‌గా, అప్పుడ‌ప్పుడు చిరున‌వ్వులు చిందిస్తూ వింటున్నారు. కాగా సభను 2 గంటలకు వాయిదా వేశారు.