ఏపీ సర్కారును పొగిడిన సత్య నాదెళ్ల

మైక్రోసాఫ్ట్ సీఈవో సత్యనాదెళ్ల్ ఏపీ సర్కార్ పై.. ఏపీ సర్కార్ ఉపయోగిస్తున్న టెక్నాలజీ గురించి గొప్పగా ప్రశంసించారు. మోడీ అమెరికా పర్యటనలో భాగంగా సత్య నాదెళ్ల మోడీతో భేటీ అయ్యారు. ఈసందర్బంగా వారు అనేక విషయాలపై చర్చించారు. ఈ భేటీలో సత్య నాదెళ్ల ఏపీ సర్కార్ తీరుపై ప్రశంసలు కురిపించారు. భేటీ సందర్బంగా ఆయన శ్రీకాకుళం జిల్లాలోని ఓ పాఠశాల గురించి ప్రస్తావించి అందరిని ఆశ్చర్యపరిచారు. శ్రీకాకుళం జిల్లాలో ఒకప్పుడు పాఠశాల విద్యార్ధులు చాలా కష్టాలు పడేవారని.. ట్రానిస్టర్ల సాయంతో అతికష్టం మీద పాఠాలు వినేవారని గుర్తుచేశారు. అయితే ఇప్పుడు ఆరోజులు పోయాయి.. ఇప్పుడు అదే శ్రీకాకుళంలో పాఠశాల విద్యార్ధులు స్కైప్ ద్వారా పాఠాలు వింటున్నారని అంతర్జాతీయ వేదికపై వ్యాఖ్యానించారు. ఈ విధంగా ఏపీ సర్కార్ టెక్నాలజీని బాగా వాడుకుంటుంది అని ప్రశంసించారు. ఏదైనా ఒక అంతర్జాతీయ వేదికపై ఏపీ సర్కార్ ప్రశంసలు అందుకోవడం ఆనందించాల్సిన విషయమే.