జమ్మూకాశ్మీర్ లో మరోసారి కాల్పుల కలకలంరేగింది. జమ్ముకశ్మీర్‌లోని పుల్వామా జిల్లాలో పుల్వామాలోని ఓ గ్రామంలో ఉగ్రవాదులు నక్కి ఉన్నట్లు సమాచారం రావడంతో భద్రతా బలగాలు విస్తృతంగా తనిఖీలు చేపట్టాయి. దీంతో అప్రమత్తమైన ఉగ్రవాదులు భద్రతా బలగాలపై కాల్పులు జరిపారు. దీంతో భద్రతా బలగాలు వెంటనే ఎదురుకాల్పులు జరిపారు. ఈ కాల్పుల్లో లష్కరే తొయిబా(ఎల్‌ఈటీ)కి చెందిన కీలక ఉగ్రవాది వసీమ్‌ షాతోపాటు మరో ఉగ్రవాది హషీజ్‌ నిసార్‌ హతమైనట్టు తెలుస్తోంది. ఈ విషయాన్ని రక్షణశాఖ ప్రతినిధి కల్నల్‌ రాజేశ్‌ కలియా ధ్రువీకరించారు. ఎదురుకాల్పులు జరిపిన ప్రదేశం నుంచి ఒక ఏకే-47, ఏకే-56, ఆరు ఏకే మ్యాగజైన్లను భద్రతా బలగాలు స్వాధీనం చేసుకున్నాయి. ఎన్‌కౌంటర్‌ ముగిసినట్లు అధికారులు తెలిపారు. దక్షిణ కశ్మీర్‌లోని రాజకీయ నేతలు, భద్రతా బలగాలపై జరిగిన పలు దాడుల్లో వసీమ్‌ కీలక పాత్ర పోషించినట్లు జమ్ముకశ్మీర్‌ డీజీపీ వెల్లడించారు.
.webp)
.webp)
.webp)
.webp)
.webp)
