నచ్చితే నేరుగా కావలించుకోవచ్చు

నచ్చిన దాన్ని మెచ్చుకోవడం చాలామందికి అలవాటు.. అందమైనదాన్ని దగ్గరికి తీసుకుని కౌగిలించుకోవాలన్న వేడిపుట్టడంలోనూ తప్పులేదు.. అది ఇతరులకు ఇబ్బంది కలగనంతవరకూ.. ఈ క్లాజ్ ని వ్యక్తిగత స్పర్శకు వర్తింపజేయడానికి సోషల్ లైఫ్ లో చాలా పరిమితులుంటాయ్. కానీ.. అనుకున్నదే తడవుగా ముద్దొచ్చినదాన్ని గట్టిగా హత్తుకోవాలన్న కలను నిజంచేసుకోవడానికి ఇప్పుడు సరికొత్త మార్గాలు అందుబాటులోకొచ్చాయ్. మామూలుగా ఫేస్ బుక్ లో నచ్చిన కామెంట్ కి లైక్ పోస్ట్ ఇవ్వడం చాలాకాలంనుంచి వస్తున్న లేటెస్ట్ ఆచారం. అలా నచ్చినవాళ్లని మెచ్చుకుని గట్టిగా కౌగిలించుకోవలనుకున్నప్పుడు ఆవతలివాళ్లు ఎక్కడున్నా ఆ బిగి కౌగిలిని అందుకోగలిగే ఛాన్స్ ఇప్పుడు అందుబాటులోకొచ్చేసింది. ప్రత్యేకంగా డిజైన్ చేసిన బిగి కౌగిలి జాకెట్ ని ధరిస్తే చాలు అవతలివాళ్లు నేరుగా కౌగిలించుకున్న ఫీలింగ్ కలుగుతుందట. జాకెట్ లో ఉన్న గాలి తిత్తులు ఉబ్బి కావలించుకున్న ఫీలింగ్ వచ్చేస్తుందట. మళ్లీ గట్టిగా జాకెట్ ని కావలించుకుంటే అవతలివాళ్లకు ఆ సిగ్నల్ వెళ్లిపోయి అక్కడకూడా సేమ్ ఫీలింగ్. సెల్ ఫోన్ ద్వారా పనిచేసే ఈ కొత్త జాకెట్ పుణ్యమా.. అని నచ్చినవాళ్లను ఎప్పుడుపడితే అప్పుడు, ఎక్కడపడితే అక్కడ కౌగిలించుకోగలిగే అవకాశం రావడం నిజంగా అదృష్టం కదూ.. కాకపోతే ఈ ఫెసిలిటీని గట్టిగా... వినియోగించుకోవడానికి ఫేస్ బుక్ అకౌంట్ తప్పని సరిగా ఉండాలి మరి..