సీఎం హోదాలో ఎన్టీఆర్ ట్రస్టుకి చంద్రబాబు!
posted on Jul 4, 2024 12:53PM
ఆంధ్రప్రదేశ్ ముఖ్యమంత్రి నారా చంద్రబాబు నాయుడు సీఎంగా బాధ్యతలు స్వీకరించిన తర్వాత మొదటిసారి హైదరాబాద్లోని ఎన్టీఆర్ ట్రస్టుకు రానున్నారు. ఈనెల 7వ తేదీన చంద్రబాబు రాకను పురస్కరించుకుని ఎన్టీఆర్ ట్రస్ట్ భవన్లో ఏర్పాట్లు చేస్తున్నారు. జూన్ 6న ఏపీ ముఖ్యమంత్రి చంద్రబాబు నాయుడు, తెలంగాణ ముఖ్యమంత్రి రేవంత్రెడ్డి సమావేశం కానున్నారు. ఆ సమావేశం ముగిసిన మర్నాడు చంద్రబాబు ఎన్టీఆర్ ట్రస్ట్ భవనానికి రానున్నారు. ఎన్టీఆర్ ట్రస్ట్ భవన్కి వచ్చిన సందర్భంలో చంద్రబాబు నాయుడు తెలంగాణ తెలుగుదేశం నాయకులతో భేటీ అవుతారు. తెలంగాణ టీడీపీ నూతన అధ్యక్షుడి నియామకం, తెలంగాణలో పార్టీ బలోపేతం, స్థానిక సంస్థల ఎన్నికలలో పోటీ, సభ్యత్వ నమోదు తదితర అంశాల గురించి తెలంగాణ తెలుగుదేశం నాయకులతో చర్చించే అవకాశం వుంది.