హైదరాబాద్ లో   బాలివుడ్ నటిపై అత్యాచార యత్నం..  పరారీలో నిందితులు

హైద్రాబాద్ లో మరో దారుణం చోటు చేసుకుంది.  మాసాబ్ ట్యాంక్ శ్యామలా నగర్ లోని ఓ అపార్ట్ మెంట్ లో చోటు చేసుకున్నఈ ఘటనతో పోలీసులు అలర్ట్ అయ్యారు. ఓ షాప్ ఓపెనింగ్ కోసం సదరు బాలివుడ్ నటిని  నిర్వాహకులు ఆహ్వానించారు. ప్లైట్ చార్జిలు, రెమ్యునరేషన్ మాట్లాడుకున్న నటి బస చేయడానికి అపార్ట్ మెంట్ లోని ఓ గదిని కేటాయించారు. అపార్ట్ మెంట్ కు  శుక్రవారం (మార్చి 21) రాత్రి గుర్తు తెలియని యువకులు  వచ్చారు. వారి వెంట ఇద్దరు మహిళలు కూడా ఉన్నారు. ముగ్గురు యువకులతో  వ్యభిచారం చేయమని  ఆ మహిళలు ఒత్తిడి తెచ్చారు. నటి ప్రతిఘటించినప్పటికీ యువకులు కాళ్లు , చేతులు తాళ్లతో కట్టేసి అత్యాచారయత్నం చేశారు. దీంతో నటి పెద్దగా అరవడంతో యువకులు నటి దగ్గర ఉన్న 50 వేల నగదు తీసుకుని పారిపోయారు. ఈ   వర్దమాన నటి  పలుబాలివుడ్ చిత్రాలు, టీవీ సీరియల్స్ లో నటిస్తుంది . అపార్ట్ మెంట్ నుంచి ఎలాగో అలా బయటపడ్డ నటి 100 కు డయల్ చేసింది. పోలీసులు కేసు నమోదు చేసుకుని దర్యాప్తు చేస్తున్నారు.