ఆర్టీసీ ఎండి సురేంద్ర బాబు ఆకస్మిక బదిలీ

ఎపిఎస్ఆర్టిసి  ఎండి సురేంద్రబాబును రాష్ట్ర ప్రభుత్వం ఆకస్మికంగా బదిలీ చేసింది. ఒక పక్క ఆర్టీసీని ప్రభుత్వం లో విలీనం చేసే ప్రక్రియ నడుసున్న వేళ ఎండీగా ఉన్న సురేంద్రబాబును సడెన్ గా బదిలీ చేయడం ప్రభుత్వ వర్గాల్లో చర్చనీయాంశంగా మారింది. 1987 బ్యాచ్‌కు చెందిన డీజీపీ ర్యాంకు ఐపీఎస్ అధికారి అయిన సురేంద్రబాబును పోస్టింగ్ కూడా ఇవ్వకుండా డిజిపి కార్యాలయంలో  రిపోర్ట్ చేయాలని ప్రభుత్వం ఆదేశాలు జారీ చేసింది. అయన స్థానంలో రవాణాశాఖ ముఖ్యకార్యదర్శిగా ఉన్న కృష్ణబాబు కు ఆర్టీసీ ఎండీగా అదనపు బాధ్యతలను ఏపీ ప్రభుత్వం అప్పగించింది.