7వ నందిని అందుకోబోతున్న మహేష్ బాబు

నంది అవార్డుల ప్రకటన తెలుగు చిత్ర పరిశ్రమలో సంబరాలకు తెరలేపింది. అన్ని పోటీలను తట్టుకుని నందిని గెలుచుకున్న నటులు ఎంతో సంతోషంగా ఉన్నారు. ఇక హీరో మహేష్ బాబు, నటుడు ప్రకాష్ రాజ్ లు మరీ మరీ సంతోషంగా ఉన్నారు. ఎందుకంటే తెలుగు చిత్ర పరిశ్రమ నుండి ప్రకాష్ రాజ్ అందుకుంటున్నది 9వ నంది అవార్డు అయితే, హీరో మహేష్ బాబు అందుకుంటున్నది ఏడవ నంది అవార్డు కావడం విశేషం. ఇంతకు ముందు నిజం, అతడు పాత్రలకు ఉత్తమ నటుడి అవార్డులతో పాటు, పలు చిత్రాలకు స్పెషల్ జ్యూరి అవార్డులు గెలుచుకున్నాడు. అసలు ఉత్తమ నటుడి అవార్డుకు హీరోలు నాగార్జున, బాలకృష్ణలతో పోటీ పడి ప్రిన్స్ అవార్డు కొట్టేశాడు. రాజన్న సినిమాలో నాగార్జున, శ్రీరామరాజ్యం సినిమాలో బాలకృష్ణ ల పాత్రల నిడివి తక్కువగా ఉండడం, ఆ చిత్రంలోని మిగతా పాత్రల పరిధి ఎక్కువగా ఉండడం మహేష్ బాబు కు ప్లస్ పాయింట్ గా మారింది. దీంతో ఆయనను ఉత్తమ నటుడిగా అవార్డు కమిటీ ఏకగ్రీవంగా ఎంపికచేసింది.