సోనాక్షి పై క‌ర్చీప్ వేసిన బాల‌య్య
on Nov 26, 2014
నంద‌మూరి బాల‌కృష్ణ ఫుల్ స్వింగ్‌లో ఉన్నారు. లెజెండ్ ఇచ్చిన బూస్ట్ తో ఆయ‌న స్పీడు పెంచారు. ప్ర‌స్తుతం 98వ చిత్రం ర‌న్నింగ్‌లో ఉంది. 2015 లో ఎట్టి ప‌రిస్థితుల్లోనూ 100వ సినిమాకి కొబ్బ‌రికాయ్ కొట్టేయాల‌ని డిసైడ్ అయ్యార‌ట. ఈ ప్రాజెక్టు బోయ‌పాటి శ్రీ‌నుకే క‌న్‌ఫామ్ చేసేశార‌ని టాలీవుడ్ టాక్‌. 99వ సినిమా పూర్త‌య్యేలోగా బ‌న్నీ - బోయ‌పాటి సినిమా కూడా అయిపోతుంది. అప్పుడు అటు బాల‌య్య, ఇటు బోయ‌పాటి ఇద్ద‌రూ ఫ్రీగానే ఉంటారు. సో.. 100వ సినిమాకి ద‌ర్శ‌కుడిని వెతుక్కొనే బాధ త‌ప్పింది. ఈ చిత్రాన్ని వారాహి చ‌ల‌న చిత్రం త‌ర‌పున సాయి కొర్ర‌పాటి నిర్మిస్తారు. ఇప్పుడు కావ‌ల్సింది క‌థానాయిక. బాల‌య్య సినిమా అనేస‌రికి క‌థానాయిక స‌మ‌స్య ముంచుకొచ్చేస్తుంది. ఆ ఇబ్బంది త‌న 100వ సినిమాకి రాకుండా ఇప్ప‌టి నుంచే జాగ్ర‌త్త‌లు తీసుకొంటున్నారు. ఓ బాలీవుడ్ అగ్ర హీరోయిన్ కి ముందే అడ్వాన్సు ఇచ్చేసి క‌ర్చీప్ వేయాల‌ని చిత్ర‌బృందం భావిస్తోంద‌ట. ఇప్పుడు బాల‌య్య దృష్టి సోనాక్షి సిన్హాపై ప‌డింది. సోనాక్షి చేతికి అడ్వాన్సు ఇచ్చి 2015 నాటికి కొన్ని కాల్ఫీట్లు తీసేసుకోవాల‌ని సాయికొర్ర‌పాటి తీవ్ర ప్ర‌య‌త్నాల్లో ఉన్నార‌ట. క‌థ ఏమీ లేకుండా సోనాక్షి ఈ సినిమా ఎలా ఒప్పుకొంటుంద‌న్న డౌట్ వద్దు. ఆల్రెడీ బోయ‌పాటి ద‌గ్గ‌ర బాల‌య్య కు సంబంధించి ఓ ప‌వ‌ర్‌ఫుల్ లైన్ ఉంద‌ట. అది చెప్పి మేనేజ్ చేయొచ్చ‌ని సాయి కొర్ర‌పాటి భావిస్తున్నారు. 2015 వేస‌విలో ఈ సినిమాని ప్రారంభించ‌డం ఖాయంగా క‌నిపిస్తోంది. ఈలోగా 99వ సినిమా ఎవ‌రితో చేస్తారో తేలాల్సివుంది.
.jpg)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
