ఒక్క రానా తో తప్ప అందరితో.. అనుష్క
on Oct 5, 2015
సినిమా రంగంలో హీరోల సంగతేమో కాని హీరోయిన్ లకు మాత్రం నటించిన వారందరితో ఎఫైర్లు అంటకట్టడం సహజం. అది టాప్ హీరోయిన్లు అయినా సరే.. వారు ఈ ఎఫైర్ల పుకార్లకు బలైపోతుంటారు. అలా తనని కూడా అందరి హీరోలతో లింకులు పెట్టేశారు అంటుంది అటు టాలీవుడ్ లో ఇటు కోలీవుడ్ లో టాప్ ప్లేస్ లో ఉన్నఅనుష్క. అనుష్క సూర్య జంటగా నటించిన "సింగం" సినిమా సూపర్ హిట్ అయిన సంగతి తెలిసిందే. ఆ తరువాత వచ్చిన "సింగం-2" కోలీవుడ్ లో మంచి విజయం సాధించిన టాలీవుడ్ లో మాత్రం యావరేజ్ గా నిలిచింది. ఇప్పుడు మళ్లీ "సింగం-3" సినిమా తెరకెక్కనున్న నేపథ్యంలో అనుష్క ఆ సినిమా వివరాల గురించి తెలిపారు. ఈ సినిమాలో అనుష్కది ప్రధాన పాత్ర కాగా రెండో నాయికగా అందాల తార శృతిహాసన్ తన అందాల ఆరబోతకు సిద్దమైంది. ఈ సందర్బంగా అనుష్కను ఆర్యతో మీ ఎఫైర్ సంగతేంటని అడగగా ఈ రంగంలో ఇవన్నీ మామూలే.. ఒక్క ఆర్యతోనే కాదు నేను నటించిన హీరోలందరితో ఎఫైర్లు పెట్టారు.. ఒక్క రానా తప్ప.. ఎందుకంటే తనని నేను అన్నయ్య అని పిలుస్తాను.. తను నన్ను సిస్టర్ అని పిలుస్తాడు కాబట్టి అని ఘాటుగానే సమాధానమిచ్చింది. మొత్తానికి అనుష్క కూడా ఈ లింకులను లైట్ గానే తీసుకున్నట్టుంది.