స్టైలిష్ బాలకృష్ణను చూశారా?
on Aug 20, 2019
'పైసా వసూల్'లో నందమూరి బాలకృష్ణను పూరి జగన్నాథ్ స్టైలిష్ గా చూపించారు. ఆ సినిమా మినహా ఇటీవల వచ్చిన ఏ సినిమాలోనూ బాలకృష్ణ అంత స్టైలిష్ గా కనిపించలేదు. ఆఖరికి గత ఏడాది సంక్రాంతి 'జై సింహా'లోనూ ప్రత్యేకంగా ఏమీ కనిపించలేదు. మామూలుగానే ఉన్నారు. కానీ, 'జై సింహా' తర్వాత బాలకృష్ణ కథానాయకుడిగా కె.ఎస్.రవికుమార్ ఓ చిత్రానికి దర్శకత్వం వహిస్తున్న సంగతి తెలిసిందే. ఇందులో బాలయ్యను చాలా స్టైలిష్ గా దర్శకుడు చూపిస్తున్నారు. కావాలంటే పైన ఉన్న ఫోటోను ఒకసారి చూడండి. ప్రస్తుతం ఈ సినిమా చిత్రీకరణ బ్యాంకాక్ లో జరుగుతోంది. హీరోయిన్ సోనాల్ చౌహాన్, కమెడియన్లు రఘుబాబు, శ్రీనివాసరెడ్డి, కారుమంచి రఘు, ధనరాజ్ తదితరులపై సన్నివేశాలు తెరకెక్కిస్తున్నారు. అక్కడ దిగిన సెల్ఫీ ఇది. బాలకృష్ణ హెయిర్ స్టైల్, గడ్డం... కొత్తగా ఉన్నాయి. నందమూరి నటసింహం చాలా అందంగా కనిపిస్తున్నాడు. ఈ సినిమాలో బాలకృష్ణ రెండు గెటప్స్ లో కనిపిస్తారట. అందులో ఇది ఒకటి. మరో ఎలా ఉండబోతోందో? ఈ చిత్రానికి 'రూలర్' టైటిల్ ఖరారు చేశారట.