రేవంత్ కు అవే సాకులు.. సండ్రకు అవే సాకులు

రేవంత్ రెడ్డికి బెయిల్ రాకుండా చేయకుండా చేయడానికి తెలంగాణ ఏసీబీ ఎన్ని రకాలుగా ప్రయత్నం చేసిందో మనందరికీ తెలుసు. విచారణ కీలక దశలో ఉందని.. సాక్ష్యులను బెదిరిస్తారని.. సాక్ష్యాలను తారుమారు చేస్తారని ఏవేవో సాకులు చెప్పి బెయిల్ రాకుండా చేద్దామని విశ్వ ప్రయత్నం చేసింది. కానీ రేవంత్ రెడ్డికి బెయిల్ ఇచ్చి హైకోర్టు ఏసీబీకి షాకిచ్చింది. ఇప్పుడు సండ్ర విషయంలో కూడా ఏసీబీ అదే చేస్తుంది. ఈరోజు ఈకేసులో నాలుగో నిందితుడైన సండ్ర బెయిల్ విషయంపై ఏసీబీ కౌంటర్ దాఖలు చేసింది. దానిలో ఈ కేసులో సాక్ష్యాలను సండ్ర తారుమారు చేసారని అనుమానంగా ఉందని.. ఆదిశలో దర్యాప్తు చేస్తున్నామని పేర్కొన్నారు. సాక్షులను ప్రభావితం చేస్తారని.. కేసు కీలక దశలో ఉంది కాబట్టి సండ్రకు బెయిల్ ఇవ్వద్దని ఏసీబీ కౌంటర్ లో పేర్కొంది. మొత్తానికి రేవంత్ రెడ్డికి బెయిల్ రాకుండా చేయడానికి ఎలాంటి కుంటి సాకులైతే చెప్పిందో అలాంటి కుంటి సాకులనే సండ్రకు చెప్పి బెయిల్ రాకుండా చేయడానికి చూస్తుంది ఏసీబీ. పాపం ఈసారైనా ఏసీబీ ఆశ నెరవేరుతుందో లేదో చూడాలి.