గ‌త చిత్రం `అల వైకుంఠ‌పుర‌ములో`తో కెరీర్ హ‌య్య‌స్ట్ గ్రాస‌ర్ అందుకున్నారు మాట‌ల మాంత్రికుడు త్రివిక్ర‌మ్ శ్రీ‌నివాస్. ప్ర‌స్తుతం సూప‌ర్ స్టార్ మ‌హేశ్ బాబుతో సినిమాని రూపొందించే ప‌నిలో ఉన్నారాయ‌న‌. మే 31న పూజా కార్య‌క్ర‌మాల‌తో ప్రారంభం కానున్న ఈ క్రేజీ ప్రాజెక్ట్.. 2022 వేస‌విలో థియేట‌ర్స్ లో సంద‌డి చేయ‌నుంది. ఈ లోపే.. త‌న నెక్స్ట్ వెంచ‌ర్ ని కూడా లాక్ చేశార‌ట త్రివిక్ర‌మ్.

ఆ వివ‌రాల్లోకి వెళితే.. సీనియ‌ర్ హీరో విక్ట‌రీ వెంక‌టేశ్ తో దాదాపు ఐదేళ్ళ క్రిత‌మే ఓ ప్రాజెక్ట్ ప్లాన్ చేశారు త్రివిక్ర‌మ్. అయితే, కొన్ని కార‌ణాల వ‌ల్ల ఆ సినిమా వాయిదా ప‌డుతూ వ‌స్తోంది. ఎట్ట‌కేల‌కు ఈ క్రేజీ వెంచ‌ర్ సెట్స్ పైకి వెళ్ళ‌నుంద‌ని బ‌జ్. అన్నీ కుదిరితే వ‌చ్చే ఏడాది ప్ర‌థ‌మార్ధంలో వెంకీ - త్రివిక్ర‌మ్ సినిమా ప‌ట్టాలెక్కే అవ‌కాశ‌ముందంటున్నారు. త్వ‌ర‌లోనే దీనికి సంబంధించి క్లారిటీ రానున్న‌ది.

కాగా, గ‌తంలో వెంకీ హీరోగా న‌టించిన `నువ్వు నాకు న‌చ్చావ్`, `వాసు`, `మల్లీశ్వ‌రి` చిత్రాల‌కు త్రివిక్ర‌మ్ ర‌చ‌యిత‌గా వ్య‌వ‌హ‌రించారు. అలాగే త్రివిక్ర‌మ్ డైరెక్ట్ చేసిన `అజ్ఞాత‌వాసి`లో అతిథి పాత్ర‌లో మెరిశారు వెంకీ.

ఇదిలా ఉంటే.. ప్ర‌స్తుతం వెంకీ చేతిలో `నార‌ప్ప‌`, `దృశ్యం 2`, `ఎఫ్ 3` ఉన్నాయి. ఈ మూడు సినిమాలు కూడా ఈ ఏడాదిలోనే జ‌నం ముందుకు రానున్నాయి. అంతేకాదు.. `దృశ్యం 2`తో క‌థానాయ‌కుడిగా 75 చిత్రాల మైలురాయికి వెంకటేశ్ చేరువ‌కావ‌డం విశేషం.