`ఛ‌లో`(నాగ‌శౌర్య‌), `భీష్మ‌`(నితిన్) చిత్రాల‌తో బ్యాక్ టు బ్యాక్ హిట్స్ అందుకుని ప‌రిశ్ర‌మ‌ దృష్టిని విశేషంగా ఆక‌ర్షించారు యువ ద‌ర్శ‌కుడు వెంకీ కుడుముల‌. ఈ నేప‌థ్యంలో.. వెంకీ త‌దుప‌రి చిత్రంపై ఎన‌లేని ఆస‌క్తి నెల‌కొంది. ప‌లు క్రేజీ కాంబినేష‌న్స్ లో ఈ యంగ్ డైరెక్ట‌ర్ పేరు వినిపించిన‌ప్ప‌టికీ.. అవేవీ కార్య‌రూపం దాల్చ‌లేదు.

లేటెస్ట్ బ‌జ్ ఏంటంటే.. కొన్నాళ్ళుగా ప్ర‌చారంలో ఉన్న‌ట్లే మెగా ప్రిన్స్ వ‌రుణ్ తేజ్ తో వెంకీ కుడుముల నెక్స్ట్ వెంచ‌ర్ తెర‌కెక్క‌నుంద‌ని స‌మాచారం. ఇప్ప‌టికే స్క్రిప్ట్ వ‌ర్క్ పూర్త‌యింద‌ని.. అన్నీ కుదిరితే ద‌స‌రా నుంచి ఈ సినిమా సెట్స్ పైకి వెళుతుంద‌ని స‌మాచారం. ప్ర‌స్తుతం వ‌రుణ్ తేజ్ చేతిలో హిలేరియ‌స్ ఎంట‌ర్ టైన‌ర్ `ఎఫ్ 3`, స్పోర్ట్స్ డ్రామా `గ‌ని` చిత్రాలున్నాయి. ఈ రెండు సినిమాలు కూడా ఈ ఏడాది ద్వితీయార్ధంలో రిలీజ్ కానున్నాయి. అవి విడుద‌ల‌య్యాకే వెంకీ డైరెక్టోరియ‌ల్ పై ఫోక‌స్ చేయాల‌ని వ‌రుణ్ భావిస్తున్నార‌ట‌. త్వ‌ర‌లోనే వరుణ్ - వెంకీ చిత్రానికి సంబంధించి పూర్తి వివ‌రాలు వెల్ల‌డి కానున్నాయి.

మ‌రి.. `ఛ‌లో`, `భీష్మ‌`తో ఇంప్రెస్ చేసిన వెంకీ.. మూడో చిత్రంతోనూ విజ‌య‌ప‌రంప‌ర‌ని కొన‌సాగిస్తారేమో చూడాలి.