బాలీవుడ్‌ స్టార్‌ సంజయ్‌దత్‌ బర్త్‌డే సందర్భంగా ‘కేజీఎఫ్‌ 2’లో అతడి ఫస్ట్‌లుక్‌ను విడుదల చేశారు. కన్నడ స్టార్‌ హీరో యష్‌ హీరోగా నటిస్తున్న ఈ సినిమాలో అతడు విలన్‌. కన్నడ సహా తెలుగు, తమిళం, మలయాళం, హిందీ భాషల్లో సినిమాను రిలీజ్‌ చేయనున్నారు. పాన్‌ ఇండియన్‌ ఫిల్మ్‌ అన్నమాట. ‘కేజీఎఫ్‌’ హిట్‌ కావడంతో ఈ సినిమాపై ప్రేక్షకుల కన్ను పడింది. పైగా, సంజయ్‌ దత్‌ లుక్‌ కావడంతో నేషనల్‌ వైడ్‌ ఆడియన్స్‌ ఇంట్రెస్ట్‌ చూపించారు. అందువల్ల, ఇలా లుక్‌ రిలీజ్‌ అవ్వగానే అలా కాపీ అని క్లియర్‌కట్‌గా ట్రోల్స్‌ స్టార్ట్‌ చేశారు.

టెలివిజన్‌ షో ‘వికింగ్స్‌’లో ట్రావిస్‌ ఫిమ్మెల్‌ పోషించిన రాగ్నర్‌ లాత్‌బ్రోక్‌ లుక్‌ను ‘కేజీఎఫ్‌ 2’ టీమ్‌ కాపీ కొట్టిందనేది ట్విట్టర్‌, ఇతర సోషల్‌ మీడియా ఫ్లాట్‌ఫార్మ్స్‌లో నెటిజన్లు చేస్తున్న ఆరోపణ. రెండు లుక్స్‌ను ఫొటోలతో సహా చూపించి ట్వీట్లు చేస్తున్నారు. అయితే, వికింగ్స్‌ ఇన్సిపిరేషన్‌తో అని ‘కేజీఎఫ్‌ 2’ టీమ్‌ ముందుగా తెలిపింది. అది గమనించని నెటిజన్లు ట్రోల్‌ చేస్తున్నారు.