వెలిగినంత
సేపు చిరుదీపం
వెలుగులు విరజిమ్మేనులే...
చిమ్మచీకటిని తరిమేనులే...
ఆపై ఆరిపోయి తిరిగి
ఆ చీకటిఒడిలో చేరేనులే...

ఇది నిజమేనులే...
లేవయసులో ఒళ్ళంతా కులుకేనులే...
వయసు కరిగిన అందం తరిగిన
విధి జీవితాన విషాదం చిలికేనులే...

ఇది నిజమేనులే...
జీవితమంటే చీకటి వెలుగేనులే...
తెలుపు నలుపేనులే...ఓటమి గెలుపేనులే...

ఇది నిజమేనులే...
మిడిమిడిఙ్ఞానంతో ప్రతిమనిషి
పడిలేస్తూ ప్రతిరోజు పరుగెత్తేనులే...
మిడిసిమిడిసి పడేది మిణుగురు పురుగేనులే...
ఆపైమిగిలింది ఆపరమాత్మ ఆఖరిపిలుపేనులే...